साउन २२ बैतडी । बैतडीमा फरक फरक स्थानमा एक जना किशोरी र एक जना पुरुष गरी दुई जना मृत अबश्थामा भेटिएका छन् ।
बैतडीको मेलौली नगरपालिका वडा नम्बर–१ रडमाकी १७ वर्षीया मनिषा दयाल सोमबार मृत अबश्थामा भेटिएकी हुन् । उनी घर नजिकैको भिमलको रुखमा झुण्डिएको अवस्थामा मृत भेटिएकी हुन ।
जिल्ला प्रहरी कार्यालय बैतडीले उनी मृत अबश्थामा भेटिएको जानकारी गराउदै घटनाबारे थप अनुसन्धान भइरहेको जनाएको छ ।
त्यसैगरी बैतडीको सुर्नया गाउँपालिका वडा नम्बर–६ का ५१ वर्षीय रामबहादुर कुवर मृत अबश्थामा भेटिएका हुन ।
मंगलबार बिहान रुखमा झुण्डिएको अवस्थामा उनी मृत भेटिएको प्रहरीले जानकारी गराएको हो ।
घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
