साउन ०३ धनगढी । लामो प्रतीक्षा पछि टीकापुर अस्पतालमा ‘हेमोडाइलिसिस’ सेवा सुरु भएको छ । अस्पतालमा असार ३१ गते देखि ‘हेमोडाइलिसिस’ सेवा सुरु भएको हो । सेवा सञ्चालनका लागि ४० लाख खर्च भएको अस्पतालका चिकित्सक डा ः सन्देश पण्डितले जानकारी दिए ।
एक जना विशेषज्ञ चिकित्सक, चार नर्सिङ स्टाफ र दुईजना सहयोगीलाई सेवा सञ्चालनका लागि तालिम दिइएको उनले जानकारी गराए । फूलफेजमा सञ्चालन हुन केही समय लाग्ने बताउदै डाः पण्डितले फूल फेजमा चलेपछि दैनिक चारजनालाई सहज रूपमा सेवा दिन सकिने बताए ।
अस्पतालमा डाइलिसिस सेवा सुरु भएपछि यस क्षेत्रका बिरामीले राहत पाएका छन् । स्थानीइ बिरामी धनगढी र नेपालगञ्ज जानुपर्ने बाध्यता टरेको छ । कतिपयले नेपालगञ्ज र धनगढी जानुपर्ने अवस्था भएकै कारण काठमाडौ बसेर डाइलिसिस गराउने गरेको उनले बताए ।
