"सूचना विचार र निष्पक्ष समाचार , रास्ट्र, रास्ट्रीयता र जनसरोकारका पक्षमा खवर रफ्तार "

महाकाली सिँचाइको पानी मालाखेती सम्म ल्याउन पाँच वटा प्याकेजमा काम हुदै

Khabar Raftar

असार ११ धनगढी । महाकालीको पानी कैलालीको मालाखेती सम्म ल्याउन पाँच वटा प्याकेजमा काम भइरहेको छ । राष्ट्रिय गौरवको आयोजना महाकाली सिँचाइ अन्तर्गत तेस्रो चरणको मूल नहर निर्माणका लागि पाँच वटा प्याकेजमा काम भइरहेको हो । ३ वटा प्याकेजमा नहरको ब्रह्मदेव देखि फुलेली सम्म २८ किलोमिटर काम सम्पन्न भएर गत असारमा पानी परीक्षण गरिएकोमा त्यस भन्दा अगाडिको नहर निर्माणका लागि गत वर्ष ५ वटा प्याकेजमा ४ वटा निर्माण कम्पनीसँग साढे ३ अर्ब रुपैयाँको ठेक्का सम्झौता गरिएको थियो ।

https://ekhabarraftar.com/wp-content/uploads/2022/01/chyawanprash1140x90-revised-1.gif

जसअनुसार चौथो र पाँचौ प्याकेजको ठेक्का राजेन्द्र निर्माण सेवाले पाएको छ । जसको भौतिक प्रगति २ प्रतिशत मात्रै रहेको महाकाली सिँचाई तेस्रो चरण आयोजनाका इन्जिनियर कविराज सन्जेलले जानकारी गराए । छैटौँ प्याकेजको निर्माणको काम गरिरहेको श्री गितार निर्माण सेवाले ३० प्रतिशत काम सम्पन्न गरेको जानकारी गराउदै उनले सातौँ प्याकेजको १० प्रतिशत मात्रै काम सम्पन्न भएको बताए । सातौँ प्याकेजको निर्माणका लागि आरोग्य थेगिमसँग ठेक्का सम्झौता भएको उनले बतँए ।

आठौँ प्याकेजको निर्माणको काम गरिरहेको नेपाल आदर्श सेड जेभीले १५ प्रतिशत काम सम्पन्न गरेको बताउदै उनले उक्त कम्पनीका प्रतिनिधि केशव राज पन्तले कुल २९ सय मिटर मध्ये ९ सय मिटर क्षेत्रमा काम सञ्चालनमा रहेको बताए । जसमा कल्भर्ट निर्माणको काम पनि भइरहेको उनले बताए । मूल नहरका पाँच वटै प्याकेजको निर्माण अवधि २०८२ असार मसान्त सम्म रहेको महाकाली सिँचाइ तेस्रो चरण आयोजना कार्यालयले जनाएको छ । नहर निर्माण भएमा महाकालीको पानी कैलालीको गोदावरी नदीमा छोडिने महाकाली सिँचाई तेस्रो चरण आयोजनाका इन्जिनियर सन्जेलले जानकारी गराए ।

कञ्चनपुरको भीमदत्त नगरपालिका वडा नम्बर–९ ब्रह्मदेव क्षेत्रमा २०६४ सालबाट निर्माण सुरु भएको मूल नहरको फुलेली सम्म हाल २२ वटा शाखा नहर निर्माणको काम पनि जारी रहेको इन्जिनियर सन्जेलले बताए । आयोजना अन्तरगत ब्रह्मदेव देखि चुरे फेदी हुँदै कैलालीको मालाखेती र कञ्चनपुरको त्रिभुवनवस्ती सम्म १ सय ५२ किलोमिटर मूल नहर निर्माण हुने उनले बताए । आयोजनाका नहर निर्माण भएमा झन्डै ४० हजार हेक्टर जमिनमा सिँचाइ सुविधा पुग्ने लक्ष्य राखिएको उनले जानकारी गराए । महाकाली सन्धि भएको १० वर्षपछि निर्माण थालिएको नहरको कामले केही वर्षयता गति लिएको भए पनि कामको गति सुस्त रहेको छ ।

बिस २०५२ साल माघ २९ गते नेपाल र भारतबिच भएको महाकाली सन्धि अनुसार नेपालले टनकपुर बाँधबाट नहर मार्फत वर्षायाममा २८ दशमलव ३५ घन मिटर प्रतिसेकेन्ड तथा सुक्खा याममा ८ दशमलव ५० घन मिटर प्रतिसेकेन्ड पानी पाउने सम्झौता भएको थियो । यो पानी उपयोग गर्नका लागि नेपालले १ सय ५२ किलोमिटर लामो मूल नहर सँगै १ सय ७२ किलोमिटर लामो शाखा नहर र १ हजार २३ किलोमिटरको प्रशाखा नहर निर्माण गर्नुपर्ने छ । विगतमा जग्गा विवाद, बजेट अभाव जस्ता कारणले निकै सुस्त गतिमा अघि बढिरहेको यो योजनाको काम सञ्चालनका लागि चालु आर्थिक वर्षमा भने २ अर्ब बजेट विनियोजन गरिएको छ ।

आगामी आर्थिक वर्ष २०८१÷८२ को बजेट प्रस्तुत गर्दै अर्थमन्त्री वर्षमान पुनले महाकाली सिँचाइ आयोजनाको तेस्रो चरणको कामका लागि २ अर्ब विनियोजन गरेको घोषणा गरेका थिए । आयोजनाको लागि चालू आर्थिक वर्ष २०८०÷८१ मा १ अर्ब १७ करोड रुपैयाँ बजेट छुट्टाइएको थियो । आगामी आर्थिक वर्षको बजेटबाट महाकाली सिँचाइ आयोजनाको तेस्रो चरणको मूल नहर र त्रिभुवन बस्ती लगायत शाखा नहर विस्तारको काम अघि बढाइने जनाइएको छ ।
त्यसैगरी राष्ट्रिय गौरबको आयोजना रानी जनमारा कुलरीया सिचाई आयोजनाको ७० प्रतिशत मात्रै प्रगती भएको छ ।

आयोजना सुरु भएको डेढ दशक पुग्न लागेको छ । आर्थिक वर्ष २०६७÷६८ बाट निर्माण कार्य थालेको आयोजनाकोे हाल ७० प्रतिशत काम सम्पन्न भएको आयोजनाका सूचना अधिकारी नवीन पौडेलले बताए । उनले आयोजना अन्तरगत हाल सिञ्चित क्षेत्रमा स्टक्चर बनाउने काम भइरहेको बताए । परम्परागत सिँचाइलाई आधुनिकीकरण गर्ने उद्देश्यले काम सुरु गरिएको बताउदै उनले आयोजना सम्पन्न भएमा कैलालीको पूर्वी क्षेत्रका टिकापुर नगरपालिका र लम्की चुहा नगरपालिका, पथरैया, दुर्गौली, जानकीनगर, प्रतापपुर, धनसिंपुर, नारायणपुर, मुनुवा, भजनी, घोडाघोडी नगरपालिका गौरीगंगा नगरपालिकाको करिब ३८ हजार हेक्टर जग्गामा सिँचाई सुविधा पुग्ने जनाइएको छ ।

आयोजनाको निर्माण लागत नेपाल सरकार, विश्व बैंकको ऋण र उपभोक्ताको श्रमदान समेत कूल २७ अर्ब ७० करोड २४ लाख रहेको छ । विश्व बैंकतर्फको आयोजनाको पहिलो चरणको काम सन् २०१२ बाट सुरु भई सन् २०१७ सम्म भएकोमा दोस्रो चरणको काम जारी रहेको छ । सन् २०१८ बाट सुरु भई २०२५ जुलाई १५ मा सकिने सूचना अधिकारी पौडेलले बताए ।

सिँचाइ आयोजनाबाट २०८० साल माघ १६ गते रातिबाट विद्युत उत्पादन सुरु भई लम्की स्थित १३२ केभी प्रसारण लाइनमा जोडि सकिएको छ । सुदूरका तराइका जिल्लामा ठुला सिँचाइ योजनाको काम अपेक्षित नहुँदा अहिले यस क्षेत्रका किसान भूमिगत साना सिँचाइ योजनामै निर्भर रहने गरेका छन् । साना भूमिगत सिँचाइ प्रणालीबाट सुख्खा मौसममा पानी आउन मुस्किल हुने भएकाले किसानलाई समयमै खेती गर्न समस्या हुँदै आएको छ ।

भर्खरै

नर्सरी व्यवसायबाट मासिक ४० हजार बचत गर्दै धनगढीका सुरेश विश्वकर्मा
पञ्चेश्वर आयोजना अघि बढाउने सहमति
माओवादी केन्द्रले धनगढीमा ‘जनयुद्ध दिवस’ मनायो
कैलालीको जानकीले उत्पादन अनुसार अनुदान दिन थाले पछि उत्पानमा बृद्धी
व्यक्तिको जग्गामा निर्माणाधीन बाजुराको बुढिगंगा नगरपालीका वडा नम्बर ७ को भवन अलपत्र
सुप समावेशी विद्यालयका २ वटा कक्षा कोठा अपाङ्गतामैत्री बनाइए
अछामको बयलपाटा अस्पतालबारे संसद्मा ध्यानाकर्षण प्रस्ताव पेश
३० औ जनयुद्ध दिवसको हार्दिक मंगलमय शुभकामना
प्रदेशस्तरीय कृषि तथा पशुपन्छी मेलामा ३ करोडको कारोबार, २७ हजारले गरे अवलोकन
सम्झौता भएको २ बर्ष वित्यो ६ लेन सडकको गोदावरी क्षेत्रमा अझै स्ट्रिट लाइट जडान हुन सकेन

धेरै कमेन्ट गरिएको

नर्सरी व्यवसायबाट मासिक ४० हजार बचत गर्दै धनगढीका सुरेश विश्वकर्मा

कोरोना संक्रमणको बढ्दो ग्राफ : ओमिक्रोन फैलिन थालेको आशंका

सहकारीको व्याजदर बढ्दैन : मन्त्री श्रेष्ठ

नयाँ नेतृत्व चयन गर्न एमाले कैलालीमा निर्वाचन प्रक्रिया सुरु

तपाईको कमेन्ट

पढ्न छुटाउनु भयो कि ?

download

नर्सरी व्यवसायबाट मासिक ४० हजार बचत गर्दै धनगढीका सुरेश विश्वकर्मा

pancheswar

पञ्चेश्वर आयोजना अघि बढाउने सहमति

1-5-1024x462

माओवादी केन्द्रले धनगढीमा ‘जनयुद्ध दिवस’ मनायो

gahu

कैलालीको जानकीले उत्पादन अनुसार अनुदान दिन थाले पछि उत्पानमा बृद्धी

budhiganga-7-bajura

व्यक्तिको जग्गामा निर्माणाधीन बाजुराको बुढिगंगा नगरपालीका वडा नम्बर ७ को भवन अलपत्र

sup-samabesi

सुप समावेशी विद्यालयका २ वटा कक्षा कोठा अपाङ्गतामैत्री बनाइए

BAYALPATA-HOSPITAL

अछामको बयलपाटा अस्पतालबारे संसद्मा ध्यानाकर्षण प्रस्ताव पेश

cropped-cropped-khabar-raftar-2.png

३० औ जनयुद्ध दिवसको हार्दिक मंगलमय शुभकामना