भरत दास,असार १० अत्तरीया । गोदावरी नगरपालिकामा एउटा वडा थपेर १३ वटा वडा बनाउन माग गरिएको छ । वुडितोला ,समाडिगडा वाँसपानी ,भ्यागुतेपानी, डाडागाउँ ,भरपुर ,वनदेवी गोदावरी वजार ,सलानिगडा ,दोगेडा ,तखेरा दामदरे, सिमलगोरी ,अमलसेनी ,फुलवस्ती ,काठा पदेनी ,काफलपानी ,मल्लोगैरिडा लगायतका क्षेत्रका टोल गाउँ समेटेर एउटा वडा थपेर १३ वटा वडा बनाउन माग गरिएको हो ।
माग गरिएको १३ औ वडाको सिमाना पूर्वमा चुरे गाउपालिकाको वडा नम्बर ५ र वडा नम्बर ४ को चौकीभावर पश्चिम गोदावरी नगरपालिका वडा नम्बर ३ र वडा नम्बर १२ र चुरे गाउपालिका वडा नम्बर ५ उत्तर चुरे गाउपालिका वडा नम्बर ५ माङग्रेढुंगा दक्षिणमा वडा नम्बर ४ को बास्कोटा खैराना वेलपानी र वडा नम्बर २ सिमा भित्र अन्दाजी क्षेत्रफल नगरपालिकाको करिब २० प्रतिशत भुभाग समेटिएको हुने बताईएको छ ।
माग गरिएको १३ औ वडामा धार्मिक पर्यटन क्षेत्र ८ वटा सामुदायिक विधालत ६ वटा सामुदायिक वन २ वटा झर्ना ताल तलैया, २ वटा शक्ति पिठ, २० वटा बजार क्षेत्र, २ वटा सरकारी फार्म, १ वटा मनोरञ्जन, ४ वटा पर्यटन र अन्दाजी ५ हजार हेक्टर क्षेत्रफल रहेको बताइएको छ ।
१३ औ वडा माग संघर्ष समितिका अध्यक्ष जय बाहादुर धामीले एउटा सामान्य सिफारीसको लागि पनि दिन भरी बिताउनु पर्ने भौगोलिक हिसाबले पनि गोदावरी नगरपालिकाको विकट वडा मा पर्ने भएकाले थप वडा माग गरिएको बताए ।
गोदावरी नगरपालिकाको बजेटका हिसाबले पनि बार्षिक बिनियोजित बजेटमा पाहिडी क्षेत्र भएको हुनाले सधै अपुग हुने बताउदै धामीले थप वडाको माग गर्नु पर्ने बाध्यता एको बताए । हाल गोदावरी नगरपालिका मा १२ वटा वडा रहेका छ्न । नेपालको जनगणना २०७८ को प्रारम्भिक तथ्यांक अनुसार यस नगरपालकाको जनसंख्या करिब १ लाख पुगेको थियो ।
नगरपलिकाको कुल जनसंख्या ९९ हजार ९ सय ७३ पुगेको तथ्यांक सार्बजनिक भएको छ । जसमा पुरुषको संख्या ४७ हजार ८ सय ७३ रहेको छ भने महिलाको संख्या ५२ हजार १ सय रहेको छ ।
गोदावरी नगरपालिका भित्र २१ हजार ५ सय ८ परिवार संख्या र १९ हजार ३ सय ५६ घर संख्या रहेको जनगणनाको तथ्यांकले देखाएको छ । २०६८ सालको जनगणना अनुसार गोदावरीमा कुल जनसंख्या ७८ हजार १८ रहेको थियो । १० बर्षपछि यहाँको जनसंख्या बढेको छ
।
