असार ०९ धनगढी । कैलालीको धनगढीबाट प्रहरीले ७ जना जुवाडेलाई पक्राउ गरेको छ ।
शनिबार धनगढी उपमहानगरपालिका वडा नम्बर– ३ रिङरोड स्थित हिरा गजुरेलको घरमा जुवातास खेलिरहेको अवस्थामा ७ जना जुवाडेलाई प्रहरीले पक्राउ गरेको हो ।
प्रदेश प्रहरी कार्यालयले गोप्य सूचनाको आधारमा वडा प्रहरी कार्यालय धनगढीबाट खटिएको प्रहरी टोलीले हिरा गजुरेल सहित ७ जनालाई पक्राउ गरेको जानकारी गराएको हो ।
पक्राउ गरिएका अन्य याक्तिहरुको नाम भने प्रहरीले सार्वजनिक गरेको छैन । उनीहरुको साथबाट ६५ हजार ५ सय ५ रुपैयाँ सहित ३ गडडी तास बरामद गरिएको प्रहरीले जनाएको छ ।
