जेठ २५ धनगढी । सुदूरपश्चिम प्रदेशका बिभिन्न स्वास्थ्य संस्थामा रहेका स्वास्थ्य उपकरणहरु प्रयोगमा नआउँदै थन्किदै गरेका छन । कोरोना सक्रंमणको समय तथा अन्य समयमा खरिद गरिएका र दाताहरुबाट सहयोग उपलब्ध भएका स्वास्थ्य उपकरणहरु प्रयोगमा नआउदै थन्किदै गरेका हुन ।
प्रदेशका दुई हजार सात सय ११ वडा स्वास्थ्य उपकरणहरुमा गरिएको सर्बेक्षणले अधिकाशं उपकरण प्रयोग बिहिन रहेको पाईएको छ । स्वास्थ्य सेवा बिभागका अनुसार सन २०२३ अक्टोबर देखि गत मार्च सम्म सुदूपश्चिमका विभिन्न जिल्ला, आधारभूत र प्रादेशिक अस्पतालमा ठूलो संख्यामा उपकरणहरू थन्किएको पाईएको हो ।
प्रदेशमा दुई हजार ७ सय ११ वटा स्वास्थ्य उपकरणको सर्वेक्षण गर्दा ५० प्रतिशत प्रयोगमा नआउदै थन्क्याइएको पाइएको छ । कोरोना संक्रमणका बेला खरिद गरिएका तथा दाताहरुबाट सहयोग प्राप्त उपकरणहरु प्रयोगमा नआउँदै थन्क्याइए पछि बिग्रिने जोखिम बढेको छ । बाजुरा जिल्ला अस्पताल, बझाङ जिल्ला अस्पताल, महाकाली प्रादेशिक अस्पताल, दार्चुला जिल्ला अस्पताल, अछाम जिल्ला अस्पताल, सेती प्रादेशिक अस्पताल, टीकापुर अस्पताल, मालाखेती अस्पताल, डडेल्धुरा जिल्ला अस्पताल, जोडबुडा अस्पताल तथा बैतडी जिल्ला अस्पतालमा उपकरण थन्किएका छन् ।
अस्पतालमा सर्वेक्षण गर्दा महामारीमा अनुदानमा आएका धेरैजसो सामानहरू थन्किएको स्वास्थ्य सेवा विभाग अन्तर्गतको व्यवस्थापन महाशाखाले गरेको सर्वेक्षणले देखाएको हो । सर्वेक्षणका क्रममा कोभिड महामारीको समयमा अनुदानमा आएका सामानहरू धेरैजसो थन्किएको पाइएको छ ।
अस्पतालहरूमा रहेका उपकरण मध्ये बिग्रिएर, जडान नगरेर र प्रयोग नगरेर २ सय ९५ वटा उपकरणहरु थन्किएको सर्वेक्षणले देखाएको छ । उपकरणको अवस्था अपडेट गर्न अनिवार्य गरिएको डिजिटल लगबुक जिन्सी व्यवस्थापन प्रणाली समेत कार्यान्वयनमा नल्याउँदा समस्या भइरहेको बिभागले जनाएको छ ।
