जेठ २३ धनगढी । कैलालीमा छुट्टाछुटै स्थानमा भएका दुर्घटनामा परी २ जनाको मत्यु भएको छ भने २ जना घाइते भएका छन । मंगलबार चुरे गाउँपालिका वडा नम्बर– ३ भक्तपुर स्थित बिपिनगर सडकखण्ड सहजपुरमा ट्याक्टर दुर्घटना हुँदा एक जनाको मृत्यु भएको हो भने २ जना घाइते भएका हुन ।
सुपप्र०१००२ त ५२७८ नम्बरको ट्याक्टरले ओभर टेक गर्ने क्रममा भे २ त १५१६ नम्बरको ट्याक्टरलाई ठक्कर दिदा भे २ त १५१६ नम्बरको ट्याक्टरका चालक डोटीको जोराईल गाउँपालिका वडा नम्बर– ४ का २० वर्षीय हेमन्त रावलको मृत्यु भएको प्रदेश प्रहरी कार्यालय धनगढीले जानकारी गराएको हो ।
दुर्घटनामा सोहि ट्याक्टरमा सवार जोराईल गाउँपालिका वडा नम्बर– ४ कै लक्की बादी र कन्चनपुरको भीमदत्त नगरपालिका वडा नम्बर– १५ का गजेन्द्र दमाई घाईते भएका छन । त्यसैगरी मंगलबार घोडाघोडी नगरपालिका वडा नम्बर– ४ भालुफाँटामा मप्र०३– ००२ ख ००११ नम्बरको ट्रक र सुपप्र ०१–०११ प ४४४३ नम्बरको मोटरसाइकल एक आपसमा ठोक्किदा मोटरसाइकल चालकको मृत्यु भएको छ ।
दुर्घटनामा गम्भिर घाइते भएका स्थानीय कमल तिरुवाको उपचारको क्रममा बुधबार बिहान मृत्यु भएको प्रहरीले जनाएको छ । प्रहरीले ट्रक र ट्रक चालक दोलखाको बिगु गाउँपाकिला वडा नम्बर– ४ का ५० वर्षीय पदम बहादुर बुढाथोकीलाई नियन्त्रणमा लिएको जानकारी गराएको छ ।
