जेठ १८ बैतडी । बैतडीका १२ हजार ८ सय ३५ जना बालबालिकाहरुलाई पोलियोविरुद्धको आइपीभी खोप दिने कार्य भइरहेको छ । यही जेठ १६ गतेबाट जिल्लाभरी खोप अभियान सञ्चालन गरेर बालबालिकाहरुलाई पोलियो विरुद्धको आइपीभी खोप दिने कार्य भइरहेको हो ।
स्वास्थ्य कार्यालय बैतडीका प्रमुख तीर्थराज भट्टले बालबालिकाहरुलाई पोलियो विरुद्धको आइपीभी खोप दिने कार्य भइरहेकोजानकारी गराएका हुन । जिल्लाभरी १२ हजार ८ सय ३५ जना बालबालिकाहरुलाई खोप दिने लक्ष्य रहेको स्वास्थ्य कार्यालय बैतडीका सूचना अधिकारी विपीन लेखकले जानकारी गराए ।
जिल्लामा ४ सय ६० खोपकेन्द्र मार्फत खोप अभियान सञ्चालनमा रहेको उनले बताए । २०७३ वैशाख देखि २०७५ असोज सम्म जन्मेका बालबालिकाहरुलाई पोलियो विरुद्धको आइपीभी खोप दिने कार्य भइरहेको स्वास्थ्य कार्यालयका खोप सुपरभाइजर हरिश भट्टले जानकारी दिए । बैतडीमा यही जेठ २३ गतेसम्म सञ्चालन हुने खोप अभियानलाई प्रभावकारी बनाउन अनुगमन समेत भइरहेको छ ।
नजिकको खोप केन्द्रमा लगेर आफ्ना बालबालिकाहरुलाई पोलियोविरुद्धको खोप लगाउन स्वास्थ्य कार्यालयले सबैमा आग्रह समेत गरेको छ ।
