देशमा गणतन्त्र आएको पनि १७ बर्ष पुगी सकेको छ । मंगलबार देशभर हर्ष उल्लासका साथ १७ औ गढातन्त्र दिवस भब्य रुपमा मनाईएको छ । २०६२÷६३ सालको जनआन्दोलनको जगमा भएको निर्वाचनबाट गठित संविधानसभाको पहिलो बैठकले २०६५ जेठ १५ गते नेपाललाई संघिय लोकतान्त्रिक गणतन्त्र घोषणा गरेको थियो । २ सय ३८ वर्ष लामो शाह वंशीय राज परम्पराको अन्त्यको घोषणा भएको उक्त दिनलाई प्रत्येक वर्ष गणतन्त्र दिवसका रूपमा मनाउन थालिएको हो । तर गणतन्त्र कसका लागी आयो भन्ने कुरा अहम भएको छ । जसले गणतन्त्र प्राप्तीका लागी योगदान पु¥याए उनिहरुले त्यसको आभाष गर्न पाएका छैनन ।

गणतन्त्र केही नेताहरुका लागी मात्र आएको आभाष हुन थालेको छ । संघिय लोकतान्त्रीक गणताँत्रीक ब्याबश्थामा जनताले केही पाउन सकेका छैनन । बरु गणतन्त्र प्राप्त गर्न उनीहरुले गुमाएका छन । कसैले छोरा गुमाएका छन । कसैले श्रीमती गुमाएका छन भने कसैले आमा बुवा गुमाएका छन । त्यतीमात्र कहा हो र कसैले हात गुमाएका छन, कसैले खुट्टा गुमाएर अपाङग भएका छन । कसैका शरीरमा अहिले पनि गोलीका छर्रा रहेका छन । सुख शान्ती सम्बृद्धी र उन्नती प्रगतीका लागी ज्यान दिएका सहिदहरुको सपना अधुरै रहेको छ । सहिदको रगतलाई टिका लगाएर सत्ताको रोटी सेक्नेहरुका लागी मात्र गणतन्त्र आएको देखिन्छ ।

यस्तो अबश्थामा गणतन्त्र दिवस मनाउनुको सार्थक अर्थ हुदैन । साचो अर्थमा गणतन्त्र दिवस मनाउने हो भने जनताले गणतनत्त भएको आभाष हुने गरी सरकारले काम गर्न जरुरी छ । शिक्षा स्वाश्थ्यलाई सर्बसाधारण नागरिकको पहुचमा ल्याउन जरुरी छ । देशमा बढ्दै गएको महङगी नियन्त्रण गर्न जरुरी छ । कालो बजारी घुष खोरी हत्या हिंसा जस्ता कार्यहरुको अन्त्य गर्न जरुरी छ । सरकारी कार्यालयबाट प्रबाह गरिने सेवालाई प्रभावकारी बनाएर जनतालाई समयमैै सेवा प्रदान गर्न जरुरी छ ।

आफन्त र आफ्नालाई काखमा च्यापेर गरिने विकासलाई निकास दिन जरुरी छ । तेरो मेरो नभनि हामी हाम्रो भन्ने भावनाको विकास गरी सबैलाई समान दृष्टिकोणले हेर्न जरुरी छ । यतीमात्र गर्न सक्ने हो भने साचो अर्थमा गणतन्त्र दिवस मनाएको अर्थ हुने भएकाले सरकारको ध्यान त्यसतर्फ जान जरुरी छ । १७ औ गणतन्त्र दिवसको यही शुभकामना सहित जनताले गणतन्त्रको आभाष गर्न सकुन । १७ गणतन्त्र दिवसको सबैमा हार्दिक शुभकामना ब्यक्त गर्दछौ ।