जेठ ११ धनगढी । ब्रोड बेस्ड एकेडेमीले बुद्व पुर्णिमा अर्थात २५६८ औ बुद्व जयन्तीको अवसरमा विभिन्न कार्यक्रम गरि मनाएको छ। कैलालीको धनगढी वडा नम्बर ६,मटियारीमा रहेको ब्रोड बेस्ड एकेडेमीले २५६८ औ बुद्व जयन्तीको अवसरमा विभिन्न कार्यक्रम गरि मनाएको हो । 
एकेडेमीले धनगढी वडा नम्बर ६ मटियारी स्थित नमूना टोलमा सरसफाइ कार्यक्रम गर्नुका साथै शान्तिका अग्रदुत भगवना गौतम बुद्वको महिमाविषयक विचार गोष्ठिको आयोजना समेत गरेको थियो । विचार गोष्ठिमा कक्षा ४ देखि ८ सम्मका भाइ बहिनीहरूले गौतम बुद्वका बारेमा आ – आफ्ना विचारहरू राखेका थिए । जसमा कक्षा ८ का आयुष खड्का ,कक्षा ७ का विष्णु जोशी र हिमान्सि बोहरा ,कक्षा ६ का केशब जोशी र उषा जोशी , कक्षा ५ का दिपिका चौधरी ,कक्षा ४ का नवीन भट्ट ,मिशन धामी ,के पि जोशी र समर विक गरि १० जनाले बोलेका थिए ।
विद्यालयका संस्थपक तथा प्रिन्सिपल रमेश विकद्वारा सहजिकरण गरिएको उक्त कार्यक्रममा ५ कक्षा भन्दा माथिका विद्यार्थीहरूको सहभागिता रहेको थियो ।
