जेठ ०७ कञ्चनपुर । कञ्चनपुरको महाकाली नदीमा डुबेर बेपत्ता भएका किशोरको शव भेटिएको छ । शनिबार साँझ दोधारा चाँदनी नगरपालिका वडा नम्बर–९ ढकनाघाटनजिकै नदीमा पौडी खेल्दा बेपत्ता भएका दोधाराचाँदनी नगरपालिका वडा नम्बर– ५ का १७ वर्षीय विष्णु सुनारको शव भेटिएको हो ।
उनको शव दोधारा चाँदनी नगरपालिका वडा नम्बर– १० कुतियाकबर स्थित महाकाली नदीमा फेला परेको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक उमेश जोशीले जानकारी गराए । घटना सम्बन्धी थप अनुसन्धान भइरहेको उनले जानकारी गराएका छन ।
