ैजेठ ०६ कञ्चनपुर । कञ्चनपुरको शुक्लाफाँटा नगरपालिका वडा नम्बर–१२ भएर बग्ने वनहरा नदीमा २५ करोडको लागतमा मोटरेबल पक्की पुलको निर्माण कार्य सुरु गरिएको छ ।
निर्माणको ठेक्का सम्झौता भएको दुई वर्षपछि मोटरेबल पक्की पुलको निर्माण कार्य सुरु भएको हो । “सम्झौता अनुसार तीन वर्षभित्र पुल निर्माण गर्नु पर्ने सम्झौता अनुसार ठेक्काको समयावधि सकिन एक वर्ष बाँकी रहे पनि समयमै काम सक्ने लक्ष्यकासाथ काम गरिरहेको निर्माणमा संलग्न इन्जिनियर विकास श्रेष्ठले बताए ।
पिलर ठड्याउन पाइलिङ भइरहेको बताउदै उनले बर्खा अगावै पिलर खडा गरिसक्ने बताए । स्थानीय दुग्ध व्यवसायी शिवचरण रानाले वर्षात्का बेला नदी तर्न नसकेर कलुवापुर हुँदै धनगढी जानुपर्ने अवस्था रहेको बताउदै पुल निर्माणपछि छोटो बाटोबाट एक घण्टा अगाडी नैै धनगढी पुग्न सकिने बताए ।
वडाध्यक्ष नवलसिंह रानाले नदीमा रहेको झोलुङ्गे पुल दुई वर्षअघिको बाढीमा क्षतिग्रस्त भएपछि तिलकी, दुवाहा र दमलपट्टिका बासिन्दालाई नदी तर्न निकै सास्ती खेप्नुपर्ने अवस्था रहेको बताए ।
“नदीमा बनाइएको अस्थायी पुलमा शुल्क तिरेर स्थानीय आउजाउ गर्दै आएको बताउदै उनले बर्खामा जोखिम मोल्दै नदी तर्नुपर्ने बाध्यता रहेकाले पुल बनेपछि सहज हुने बताए । पुल निर्माणका लागि लामो समय देखि गरेको प्रयास सफल भएको बताउदै उनले खुशी व्यक्त गरेका छन ।
