जेठ ०५ धनगढी । कैलालीमा यस वर्ष गहुँको उत्पादन बढेको छ । कृषि ज्ञान केन्द्र कैलालीका अनुसार गत वर्षको तुलनामा यस वर्ष गहुँ उत्पादन बढेको हो ।
कैलालीमा यस वर्ष १ लाख १२ हजार ३ सय १२ मेट्रिकटन गहुँको उत्पादन भएको कृषि ज्ञान केन्द्रकैलालीका सूचना अधिकारी श्यामराज जोशीले बताए ।
गत वर्षको तुलानामा ३.४२ प्रतिशतले बढी गहुँ उत्पादन भएको उनले बताए । गत वर्ष जिल्लामा ३४ हजार ५ सय ६५ हेक्टर क्षेत्रफलमा गहुँखेती गरिएकोमा १ लाख ३ हजार ४ सय ७१ मेट्रिकटन उत्पादन भएको उनले बताए ।
यस वर्ष गत वर्षको तुलनामा १ हजार ७ सय २५ हेक्टर कम क्षेत्रफलमा गहुँ खेती गरिएको भए पनि गहुँको लागि आवश्यक समयमा आकाशे पानी परेका कारण उत्पादन बढेको उनले जानकारी गराए ।
Post Views: 61