जेठ ०५ धनगढी । कैलालीको घोडाघोडी नगरपालीकाले अपाङता भएका व्यक्तिलाई सहायता सामग्री सहयोग गर्ने भएको छ । घोडाघोडी नगरपालिकाले अपाङगता भएका व्यक्तिलाई निःशुल्क सहायता सामग्री वितरण गर्ने भएको छ ।
नगरपालिकाले १५ जना अपाङगता भएका व्यक्तिलाई निःशुल्क सहायता सामग्री वितरण गर्न लागेको हो । नगर क्षेत्रमा बसोबास गर्ने अपाङगता भएका व्यक्तिहरूको अवस्था अध्ययन तथा सहायक सामग्री नाप जाँच कार्यक्रम मार्फत अपाङगता भएका व्यक्तिको पहिचान गरीएको महिला बालबालिका तथा समाज कल्याण उप–शाखाले जानकारी दिएको छ ।
शिविरमा नाप जाँच गरी अपाङगता सामग्री आवश्यक रहेको पहिचान गरिएको शाखाले जानकारी दिएको छ । स्क्रिनिङ शिविरमा पत्ता लागेका अपाङगता भएका व्यक्तिलाई केही दिन भित्रमा सहायता सामग्री वितरण गरिसक्ने महिला बालबालिका तथा समाज कल्याण उप–शाखाका प्रमुख इन्दु जोशीले बताइन ।
सर्वाङगीण अपाङगता समाज नेपालको सहजीकरण र घोडाघोडी नगरपालिकाको आयोजनामा सहायक सामग्री सहयोग गरिने उनले जानकारी गराईन ।