भरत दास,जेठ ०२ धनगढी । नेपाल पत्रकार महासंघले नैतिक आचारणमा प्रश्न उठाउदै नयाँ सदस्यता नदिए पछि पत्रकार हिमेश बिकले महासंघको जिल्ला र प्रदेश कार्यालयमा ताला लगाएका छन् । पत्रकार महासंघले नैतिक आचारण नभएको भन्दै नयाँ सदस्यता नदिने निर्णय गरेका कारण महासंघको कैलाली शाखा र सुदूरपश्चिम प्रदेश समितिको कार्यालय धनगढीमा ताला लगाएको विकले बताए ।
पत्रकार महासंघको सदस्यताका लागि बारम्बार गुहार गरेको बताउँदै बिकले महासंघले नैतिक आचरण नभएको भनि नदिने निर्णय गरेका कारण बाध्य भएर तालाबन्दी गरिएको विकले बताए । पत्रकार महासंघको केन्द्रले नैतिक आचरण नभएकाले सदस्यता नदिने उल्लेख गरेको बताउदै विकले नैतिक आचरण भनेको के हो ? भनेर प्रश्न गरे ।
बिकले यो मान्छे बदमास, चोर डाका, बलात्कारी हो भनेर अदालतले ठहर गर्नुपर्ने बताउदै नैतिक आचरण नभएको भन्ने विषय गम्भिर भएको बताए । जिल्ला, प्रदेश र केन्द्रले विज्ञप्ती जारी गरि खण्डन गर्नुपर्ने बताउदै बिकले आफू पत्रकारितामा क्रियाशिल भएकोले महासंघको सदस्यता पाउनु पर्ने दावी समेत गरेका छन् । विज्ञप्ती मार्फत खण्डन र नयाँ सदस्यता नदिएको अवस्थामा पत्रकार महासंघमा लगाइएको ताला यथावत रहने बिकले बताए ।