बैशाख ३१ धनगढी । कैलालीको धनगढीबाट मोटरसाइकल चोरी गर्ने दुई जना युवकलाई प्रहरीले पक्राउ गरेको छ ।
जिल्ला प्रहरी कार्यालय कैलालीबाट खटिएको अपराध अनुसन्धान समूहको टोलीले धनगढी उप–महानगरपालिका वडा नम्बर–१४ को बी गाउँबाट सुदूरपश्चिम प्रदेश ०१००१० प १९३५ नम्बरको चोरीको मोटरसाइकल सहित दुई भजनी नगरपालिका वडा नम्बर–२ का २२ वर्षीय रवि चौधरी र २० वर्षीय रोहित चौधरीलाई पक्राउ गरेको हो ।
दुबै जनाले प्रयोग गर्दै आएको सुदूरपश्चिम प्रदेश ०१००९ प ९९३३ नम्बरको मोटरसाइकल समेत प्रहरीले नियन्त्रणमा लिएको जानकारी गराएको छ । दुवै जनालाई जिल्ला प्रहरी कार्यालयको हिरासतमा राखेर थप अनुसन्धान भइरहेको प्रहरीले जानकारी गराएको छ ।
