बैशाख ३० धनगढी । धनगढीमा ट्र्याक्टर दुर्घटना हुँदा एक जना युवकको मृत्यु भएको छ । ट्र्याक्टर दुर्घटना हुँदा ट्र्याक्टरमा सवार धनगढी उप–महानगरपालिका वडा नम्बर–१३ कैलालीगाउँ बस्ने २१ वषीय समीर रानाको मृत्यु भएको हो ।
प्रहरीका अनुसार शनिवार धनगढी उप–महानगरपालीका वडा नम्बर–१५ कनरीमा से १ त ९७५४ नम्बरको ट्र्याक्टरको पछाडिको टायर पड्किएर ट्र्याक्टर दुर्घटना भएको हो । दुर्घटनामा घाइते भएका समीरको उपचारको क्रममा निसर्ग अस्पताल धनगढीमा शनीबार राति मृत्यु भएको प्रहरीले जानकारी गराएको हो ।
ट्र्याक्टर र चालक घोडाघोडी नगरपालिका वडा नम्बर–१० बस्ने २२ वर्षका अविशेक चौधरीलाई नियन्त्रणमा लिई आवश्यक अनुसन्धान भइरहेको जिल्ल प्रहरी कार्यालय धनगढीले जानकारी गराएको छ ।
Post Views: 51