बैशाख २६ बैतडी । बैतडीमा जिप दुर्घटना हुँदा ७ जना घाइते भएका छन । बुधबार बिहान धनगढीबाट बैतडी जाँदै गरेको सुपप्र ०२००१ ज ३८५ नम्बरको जिप सतबाँझ –गोकुलेश्वर सडकखण्ड अन्तर्गत सुर्नया गाउँपालिका वडा नम्बर ३ सिदुनमा दुर्घटना हुँदा ७ जना घाइते भएका हुन ।
पुर्चौंडी नगरपालिका वडा नम्बरं ९ तल्लादेहीका २७ बर्षीय दिपक पार्की, उनका ८ बर्षीय छोरा छोरा प्रदीप पार्की, सोही ठाउँका ४९ बर्षीय धनजीत पार्की, उनकी १५ बर्षीया छोरी रेखा पार्की र सोही ठाउँकी २२ बर्षीया कृष्णा पार्की घाईते भएका हुन । त्यसैगरीै दुर्घटनामा डिलाशैनी गाउँपालिका वडा नम्बर ४ तडीबटा बस्ने ३३ बर्षीय करबीर सार्की र ७४ बर्षीय मनोरी सार्की पनि घाइते भएको जिल्ला प्रहरी कार्यालय बैतडीले जनाएको छ ।
घाइते मध्ये प्रदीप पार्की र रेखा पार्कीलाई थप उपचारका लागि धनगढी रेफर गरिएको र अन्यको जिल्ला अस्पताल बैतडीमा उपचार भइरहेको उनले जानकारी गराए । जिप अनियन्त्रित भएर सडकबाट अन्दाजी ६५ मिटर तल खसेको बताइएको छ ।
जिप चालक पुर्चौंडी नगरपालिका वडा नम्बर ९ तल्लादेहीका २३ बर्षीय सुरेन्द्र पुजारा फरार रहेको उनको खोजीकार्य भई रहेको प्रहरीले जानकारी गराएको छ ।
