फागुन १५ बझाङ । बझाङमा रुखबाट लडेर एक जना महिला घाइते भएकी छन् । बझाङको तल्कोट गाउँपालिका वडा नम्बर–४ स्याडाकी १८ वर्षीया रेजिना बुढा रुखबाट लडेर घाइते भएकी हुन् ।
सोमबार साँझ घरनजिकै बाजको रुखबाट स्याउला काट्ने क्रममा लडेकी उनको जिल्ला अस्पतालमा उपचार भइरहेको जिल्ला प्रहरी कार्यालय बझाङले जनाएको छ । त्यसैगरी बझाङमै एक जना महिलालाई गोरुले लात हान्दा घाइते भएकी छन् । जयपृथ्वी नगरपालिका वडा नम्बर–७ सुवेडाकी ४० वर्षीया शारदादेवी शार्की घाइते भएकी हुन ।
उनलाई सोमबार साँझ ५ बजे गोठमा गोरु बाध्ने क्रममा गोरुले लात हानेर घाइते बनाएको हो । जिल्ला प्रहरी कार्यालय बझाङका सूचना अधिकारी तथा प्रहरी निरीक्षक व्यापक चन्द्र शाहले उनको बाँया हात र कम्मरमा चोट लागेको बताउदै जिल्ला अस्पताल बझाङमा उपचार भइरहेको बताएका छन ।
