मंसिर २५ धनगढी । प्रहरीले धनगढीबाट चरेस सहित एम्बुलेन्स चालकलाई पक्राउ गरेको छ ।
बझाङबाट बिरामी लिएर आएको सुदूरपश्चिम प्रदेश ००१ झ ०५४२ नम्बरको एम्बुलेन्सका चालकलाई धनगढीको बोराडाँडीमा प्रहरीले चरेस सहित पक्राउ गरेको जिल्ला प्रहरी कार्यालय कैलालीले जानकारी गराएको हो ।
बझाङको रायल स्वास्थ्य केन्द्रको एम्बुलेन्सका चालक केदारस्यु गाउँपालिका वडा नम्बर–३ का ३७ वर्षीय रामबहादुर खातीलाई चरेश सहित पक्राउ गरिएको हो । एम्बुलेन्सबाट २ किलो ८ सय ग्राम चरेस बरामद गरीएको प्रहरीले जानकारी गराएको छ ।
