मंसिर २५ कञ्चनपुर । कञ्चनपुरको बेलौरी नगरपालिका वडा नम्बर–१० शिवनगरस्थित महाकाली सुगर मिल पुगेका किसानहरु आन्दोलित भएका छ्न् । उखु काटिसके पछि स्थानीय किसानहरुलाई पर्ची नदिएको भन्दै किसानहरु आन्दोलित भएका हुन् ।
बिना पर्ची उखु मिलमा ल्याउनेको ट्रली मिलले साइड राख्दा उनीहरु आन्दोलीत भएका हुन । काटेको उखु खेतमा सुकिरहेको तर मिलले पर्ची दिन ढिलाइ गरिरहेको किसानहरुले बताएका छन् ।
सिमावर्ती क्षेत्रबाट उखु नेपाल भित्रने गरेको र स्थानीय किसानहरुलाई पर्ची नदिई व्यापारीहरुलाई पर्ची दिएको उनीहरुले बताएका छन । महाकाली उखु मिलमा अहिले उखु तौल भइरहेको छैन । किसान आन्दोलित भएपछि प्रहरी चौकी भुडाबाट प्रहरी खटिएको छ ।
उखु मिलले मंगलबार किसानका नाममा पर्ची नकाट्ने जनाए पछि पर्ची बिना उखु लिएका उखु किसानलाई बाहिर लगाइएको थियो । मिल बाहिर सयौँ ट्रली हुँदा सडकमा जाम लागेको बताइएको छ ।
