जगत जैगडी,मंसिर २४ धनगढी । नेकपा एकृकित समाजबादीका उप –महासचिव जगनाथ खतिवडाले कसैले सरकार प्रधावकारी छैन भन्दैमा चिन्ता मान्नु नपर्ने बताएका छन । समाजवादी प्रेस संगठन सुदूरपश्चिम प्रदेशको प्रथम अधिबेशनमा सँबोधन गर्दै उनले यस्तो बताएका हुन । उनले समाजवादी पार्टी गठबन्धन सरकारमा रहेकाले सरकारले गरेका राम्रा नराम्रा काम प्रति जवाफ देही हुनुपर्ने बताए ।
सरकारले पहिले राम्रो काम गरेको बताउदै उनले अहिले सेटिङ्गमा काम गरिरहेको बताए । समाजबादी पाटीले सरकारका कामका बारेमा ज्ञापन पत्र बुझाएको समेत उनले जानकारी गराए । जती जती आत्म निर्भर बन्दै जान्छ, उति उति पत्रकारका संगठन बलियो बन्दै जाने बताउदै उनले राष्ट्रिय सभाको निर्बाचनमा नेकपा एमालेले राष्ट्रिय सभा सदस्य गुमाउने बताए ।
कम्प्युष्टि आन्दोलनलाई केपी ओलीले धुजाधुजा बनाएको समेत उनले बताए । त्यसैगरी नेकपा एकृकित समाजबादीका सुदूरपश्चिम प्रदेश अध्यक्ष हर्क सिहले राजनितीक पाटीहरु पछिल्ले समय अलमलिएको बताए । एमालेको समृद्ध यात्राले देश समृद्ध नहुने बताउदै उनले समाजबादको दिशा निर्देशन गर्न समाजबादी पार्टी अग्रसर रहेको बताए ।
त्यसैगरी समाजवादी प्रेस संगठनका केन्द्रीय अध्यक्ष बिश्वमणि सुबेदीले समाजले पत्रकारलाई पन्छइरहेको बताउदै पत्रकारले आफ्नो बिश्वासलाई आफै गुमाई रहेको बताए । उनले अहिलेको व्यवस्थाको बारेमा नकारात्म समाचार आइरहेको बताउदै कुनै एउटा व्यक्तिले बैंकको ब्याजदर छुट गरिदिन्छ भनेर त्यसलाई पत्याउनु निरासाको प्रतिफल भएको बताए ।
उनले सबै भन्दा अगाडी पत्रकारलाई सुद्धिकरण गर्न जरुरी रहेको बताउदै पत्रकार जिम्मेवार नभइ समाजबादको आधार तयार नहुने बताए । कसैलाई गाली नगरी आफ्नो कर्तव्य पुरा गर्नुपर्ने बताउदै उनले प्रेस चौतारी आफ्नो जिम्मेवारीबाट पछि हटेर व्याक्तिको पेवा बन्दै गएको बताए ।
हिक्मत बहादुर सिंहको सभापतित्वमा सम्पन्न भएको कार्यक्रममा सहभागी सबैलाई माजवादी प्रेस सङ्गठन कैलालीका अध्यक्ष लक्ष्मी जैसीले स्वागत गरेका थिए भने कार्यक्रमको संञ्चालन तृप्ति शाहिले गरेकी थिइन । त्यसैगरी समाजवादी प्रेस सङ्गठनको सुदूरपश्चिम प्रदेश अध्यक्षमा हिक्मत बहादुर सिंह निर्वाचित भएका छन् ।
शनिवार धनगढीमा सम्पन्न प्रथम अधिवेशनले सिंहलाई सर्वसम्मत रूपमा अध्यक्षमा निर्वाचित गरेको हो । त्यसैगरी उपाध्यक्षमा क्रमश तपेन्द्र कुवर, शर्मिला रोकाया, महासचिवमा डिलबहादुर सिंह, सचिवमा सन्तोष प्रसाद जैसी रकोषाध्यक्षमा समीक्षा जोशी निर्वाचित भएका छन् । त्यसैगरी सदस्यमा उमेश शाही, जनक थापा, निशा साउद, पवन बोहरा, सोहिता बोहरा, पुरुषोत्तम अवस्थी, कैलाश पनेरु, भरत साउद र राजेन्द्र वि.क.निर्वाचित भएका छन् ।
