मंसिर २२ कंञ्चनपुर । अनौपचारिक क्षेत्र सेवा केन्द्र (इन्सेक) द्वारा बेलौरी नगरपालिकाका बिध्यालयहरुमा गठीत बाल अधिकार चेतना समुहका बालबालीकाहरुले लागुऔषध दुर्बेशनी बिरुद्ध जनचेतना जगाउद ै आएका छन । बेलौरी नगरपालिकाको वार्ड नम्बर २ गोकुलपुर स्थित श्री लक्ष्मी माध्यमिक विद्यालय र बेलौरी नगरपालिका वडा नम्बर ३ खिरीया स्थीत श्री जनजागृती पुष्पलाल स्मृती माद्ययमीक बिध्यालयमा गठित बाल अधिकार चेतना समूहले लागुऔषध दुर्बेशनी बिरुद्ध जनचेतना जगाउदै आएका हुन ।
उनीहरुले सडक नाटक टोली निर्माण गरेर नगरपालिकाका बिभीन्न स्थानहरुमा लागुऔषध दुर्बेशनी बिरुद्ध जनचेतना जगाउन सडक नाटकहरु प्रदर्शन गर्दै आएका छन । त्यसैगरी बेलौरी नगरपालीकाको महिला तथा बालबालीका शाखाले लैङगीक हिंसा बिरुद्धको १६ दिने अभियानको अवसर पारेर बेलौरी नगरपालिका वडा नम्बर २ को वडा कार्यालयमा मंसिर २२ गते आयोजना गरेको शुभकामना आदान प्रदान कार्यक्रममा बालअधिकार चेतना समुहले लागु औषध दुर्बेशनीले समाजमा पारिरहेको असर र न्यूनिकरणमा सरोकारवालाहरुको भुमिका बिषयमा सडक नाटक तयार पारेर प्रदर्शन गरेको छ ।
सडक नाटक प्रदर्शन कार्यक्रममा बालबालीकाहरुले लागुऔषध दुबेर्शनिले भईरहेको लङगीक हिंसाले समाजमा पारिरहेको नकरात्मक असर र रोकथामका लागी सरोकारवालाहरुको भुमिका झल्काउने प्रयास गरेका थिए ।
बेलौरी नगरपालिका वडा नम्बर २ का अध्यक्ष कुलबिर चौधरीले बालबालीकाहरुले प्रदर्शन गरेको सडक नाटकले समाजको यथार्थ चित्रण गरेको बताउदै नाटकले दिन खोजेको सन्देशलाई मनन गरेर आ आफ्नो घर तथा समाजमा भईरहेको लागुऔषध दुर्बेशनका कारण हुने लैङगीक हिंसा न्यूनीकरणका लागी आफैबाट सुरुवात गर्न सहभागीहरुलाई आग्रह गर्नु भयो ।
प्रहरी चौकी टेरुवाका प्रमुख इश्वर पन्तले पछिल्लो समयमा बेलौरी नगरपालिका लागुऔषध ओसार पसार तथा सेवन गर्नेहरुको ट्रान्जीट प्वाईन्ट बन्दै गईरहेकोले यस्ता खाले नाटकहरु मार्फत समाजमा सकरात्मक सन्देस प्रबाहगरेकोमा बालअधिकार चेतना समुहलाई धन्यवाद ज्ञापन गर्नु भयो । १४ जाना पात्रहरु रहेको सडक नाटकमा बालबालीका, बिध्यालय, शिक्षक, वडाअध्यक्ष, स्थानीय मदिरा ब्यापारी, मदिरा सेवन गरिरहेका सथिहरु, प्रहरी लगायतको लागु औषध दुर्बेशनी न्यूनिकरणमा हुनसक्ने भुमिका झल्कीनेखालको कथा प्रस्तुत गरिएको थियो ।
