मंसिर १९ धनगढी । प्रभात मिडिया एण्ड ईभेन्ट प्रा.लि.ले हरेक बर्ष आयोजना गर्ने नृत्य र गायन विधाको सुदूरपश्चिम प्रदेश स्तरीय कार्यक्रम एसईई आईडलको तेस्रो संस्कारणका अडिसनहरु सुदूरपश्चिमका तराइका २ जिल्लामा धमाधम आयोजना भई रहेका छन । यसै क्रममा मंंगलबार धनगढीका २ वटा विद्यालयमा अडिसनहरु सम्पन्न भएका छन् । धनगढीको मनेहरामा रहेको डिलाइट ईङलिश बोर्डिङ. स्कुल र पुनरबासको जनकल्याण माध्यमिक विद्यालयमा तेस्रो र भन्सारमा रहेको नवदुर्गा माध्यमिक विद्यालयमा अडिसनहरु सम्पन्न भएका छन् ।
विद्यार्थीहरुको फरक क्षमता अभिवृद्धिका लागि अडिसन आयोजना गरिएको कुरा डिलाइट ईङलिश बोर्डिङ.स्कुलका प्रधानाध्यापक शंकर खनालले बताए । त्यसै गरि अर्को अडिसन आयोजक नवदुर्गा माध्यमिक विद्यालयका प्रधानाध्यापक राम कुमार चौधरीले पढाइमा बाधा नपुग्ने गरि यस्ता प्रकारका कार्यक्रम निरन्तर रुपले आयोजना हुनुपर्ने कुरामा जोड दिए ।
एसईई आइडल ३ का सुदूरपश्चिम प्रदेशका ९ वटा जिल्लाका ३० भन्दा बढी स्थानहरुमा अडिसनहरु आयोजना गरिने बताईएको छ । यस वर्ष एसईई दिने विद्यार्थीहरुले अडिसनमा सहभागी हुन पाउने बताईएको छ । यस वर्ष पनि गत बर्ष जस्तै नृत्य र गायन प्रतिभाहरुले आफ्नो प्रतिभा प्रदर्शन गर्न पाउने छन् । असोज देखि फाल्गुण सम्म सुदूरपश्चिमका ९ वटा जिल्ला भरि नै अडिसन प्रतियोगिताहरु संचालन हुने बताईएको छ ।् जहाँबाट नृत्य र गायन विधाका उत्कृष्ट ३०–३० जना प्रतिस्पर्धिहरुले २०८१ बैशाखमा हुने दोस्रो चरणमा प्रवेश पाउने आयोजक संस्थाका प्रकाश छेडालले जानकारी गराए ।
दोस्रो चरणमा उत्कृष्ट हुने नृत्य र गायन विधाबाट १५–१५ जना प्रतिस्पर्धीहरुले २०८१ असार १ गते हुने फाईनलमा प्रवेश पाउने उनले जानकारी गराए । फाईनलबाट दुवै विधामा १–१ जना विजेता र १–१ जना उपविजेता बन्ने उनले जानकारी गरी गराए । दुवै विधाका विजेता र उप विजेताले क्रमशः ५०–५० हजार र २५–२५ हजार सहित कक्षा ११ र १२ मा पूर्ण छात्रवृत्ति पाउने उनले बताए ।
साथै दुवै विधाका उत्कृष्ट ५ भित्र पर्ने अन्य प्रतिस्पर्धिहरुले कक्षा ११–१२ मा आंशिक छात्रवृत्ति पाउने जानकारी गराउदै उनले थप अडिसन स्थलहरुको खोजी भईरहेको बताए । प्रतियोगिता सहभागी हुन ईच्छुक विद्यार्थी तथा विद्यालयहरुलाई सम्पर्क गर्न आयोजकले अनुरोध गरेको छ । आयोजकले यस भन्दा पहिले पनि २ संस्करणहरु आयोजना गरि सकेको छ । मुख्य प्रबर्द्धकका रुपमा प्रदेश युवा परिषद्, सुदूरपश्चिम रहेको एसईई आइडल ३ मा रेडिकल यस कार्यक्रममा रेडिकल एकेडेमी लगायतका विभिन्न संघसंस्थाको पनि विशेष सहयोग गरेको उनले जानकारी गराए ।
