असोज १४ धनगढी । अखिल नेपाल महिला संघ क्रान्तीकारी सेती ब्यूरोले ज्ञापन पत्र बुझाएको छ । आईतबार महिला संघ क्रान्तीकारीले देश ब्यापी रुपमा ज्ञापन पत्र बुझाउने क्रम्मा सुदूरपश्चिम प्रदेशका मुख्य मन्त्री कमल शाह र कैलाली जिल्लाका प्रमुख जिल्ला अधिकारी युवराज कट्टेललाई ज्ञापन पत्र बुझाएको हो । देशमा बढ्दै गएको महिला हिंसा, बलात्कार र हत्या हिंसा बढ्दै गएकोले यसको रोकथामका लागी प्रदेश सरकार र कैलाली जिल्ला प्रशमासन कार्यालयमा ज्ञापन पत्र बुझाएको अखिल नेपाल महिला संघ क्रान्तीकारीका केन्द्रिय सचिबालय सदस्य तथा सेती ब्यूरो संयोजक सुनिता सि ले जानकारी गराईन ।
उनले नेपाल कम्युनिष्ट पार्टीको भातृसंगठन अखिल नेपाल महिला संघ क्रान्तीकारीको केन्दिय योजना अनुसार देशमा बढ्दै गएको महिला हिंसा र लघुवित्तका कारण महिलाहरुले आत्म हत्या गर्नुपरेकाले त्यसको अन्त्यका लागी प्रदेश सरकार र जिल्ला प्रशासन कार्यालयमा ज्ञापन पत्र बुझाएको जानकारी गराईन । महिलाहरुमाथी हुने सबै खाले विभेदको अन्त्य गर्न सरकारलाई गम्भिर बनाउन देशभर ज्ञापन पत्र बुझाएको उनले जानकारी गराईन । ज्ञापन पत्र बुझ्दै सुदूरपश्चिम प्रदेशका मुख्य मन्त्री कमल शाहले जनसरोकारका विषयमा उठाएका मागहरुको समाधानका विषयमा आफु सकारात्मक भएको बताउदै केन्द्रिय सरकारलाई समेत यस्ता विषयमा जानकारी गराएर गम्भिर बनाउने प्रतिबद्धता जाहेर गर्नु भयो ।
सत्तामा भएका बेला जनताका आधारभूत विषयमा गम्भिर भएर काम गर्ने बताउदै मुख्यमन्त्री शाहले प्रदेश सरकारले गर्नुपर्ने सबै काम गर्ने प्रतिबद्धता जाहेर गर्नु भयो । उनले यसपाली कुनै संस्था र फर्मलाई नाम किटेर बजेट नछुट्याएको बताउदै सहकारीका नाम्मा भवन निर्माणका लागी समेत रकम विनियोजन नगरेको जानकारी गराए । उनले जनसरोकारका विषयमा आएका उजुरीहरुमा कुनै सम्झौता नगरी कानुनी कारबाहीका लागी अघि बढाउन सुरक्षा निकाय र प्रशाशनलाई बोलायर निर्देशन दिएको जानकारी गराए ।
त्यसैगरी प्रमुख जिल्ला अधिकारी युवराज कट्टेलले आफुबाट सकिने काम गर्ने प्रतिबद्धता जाहेर गर्नु भयो । उनले महिला हिंसा र बलात्कार जस्ता घटनामा मात्र नभई सबैखाले हिंसाका घटनाहरुमा प्रहरी प्रशासनले गम्भिर भएर काम गरिरहेको बताए । ज्ञापन पत्र बुझाउन अखिल नेपाल महिला संघ क्रान्तीकारीका केन्दिय सदस्य तारा परियार, कैलाली जिल्ला संयोजक शर्मीला सि लगायतका नेता कार्यकर्ताहरुको उपश्थिति रहेको थियो ।
