साउन ३२ डोटी । डोटीबाट बडीमालिकाका लागि पेटारो सहितको टोली प्रस्थान गरेको छ । सुदूरपश्चिमको प्रसिद्ध धार्मिक एवं पर्यटकीय स्थल बाजुराको बडीमालिकाका लागि बिहीबार डोटीबाट सरकारी पूजा सामग्री सहितको टोली प्रस्थान गरेको हो । हरेक वर्ष बडीमालिकाका लागि सरकारी पूजा सामग्री पठाउने चलन अनुसार पूजा सामग्री सहितको टोली प्रस्थान गरेको हो ।
हरेक वर्षझैँ यस वर्ष पनि प्रमुख जिल्ला अधिकारी गोपालप्रसाद अर्यालले विशेष पूजा आजा गरि जिल्ला प्रशासन कार्यालय डोटीबाट पेटारो बडिमालीका लागि पठाइएको हो । सरकारी पूजा सामग्रीलाई नेपाली सेना, नेपाल प्रहरी र सशस्त्र प्रहरी बलको टुकुडीले पेटारोलाई सलामी दिएको थियो । पेटारो पु–याउने टोलीको नेतृत्व जिल्ला समन्वय समिति, डोटीका सवारी चालक छत्रबहादुर खड्काले गरेको बताईएको छ ।
जनै पूणिर्माको अघिल्लो दिन अर्थात् चतुर्दशीमा बडीमालिकामा मुख्य पूजाआजा हुने प्रचलन छ । सोही पूजाआजाका लागि राणा कालदेखि नै डोटी गौंणाबाट पेटारो जाने चलन रहिआएको छ । पेटारो १५ दिन लगाएर बडिमालिका पु¥याइन्छ । विहिबार हिँडेको सरकारी टोली साँझ पूर्वी चौकी गाउँपालिका वडा नम्बर–१ फुलौटमा र शुक्रवार पूर्वीचौकी गाउँपालीका वडा नम्बर–५ मा रहेको धानुकाँडामा बास बसाउनुपर्ने चलन रहेको छ ।
त्यसैगरी अछामको मार्कु, बैद्यनाथ हुँदै पैदल मार्ग बडीमालिका पुग्ने चलन रहेको बताईएको छ । पूजा सामग्रीमा डोटी दिपायलको भुरुरी (धानको पात) र वैद्यनाथको अक्षता समावेश गरिनु पर्ने बताईएको छ । पेटारो टोलि डोटीको शैलेश्वरी मन्दिर र मालिकाको पूजा गरि बडिमालिकाका लागी निस्केको हो । पञ्चे बाजा सहित जिल्ला प्रशासन कार्यालय, डोटीबाट निस्केको पेटारो सहितको टोली प्रसिद्ध शैलेश्वरी मन्दिर र स्थानीय मालिका मन्दिरको पूजा गरी बडीमालिका तिर लागेको बताइएको छ ।
