प्रदिप मलासी,कार्तिक ३० बझाङ । बझाङको बुंगल नगरपालिकाका मकैबाली कृषकलाई दलित सहयोग समाज बझाङले मकै छुटाउने हाते मेसिन उपलब्ध गराएको छ । युनाईटेड मिसन टु नेपालको आर्थिक सहयोगमा संचालित वातारणीय दिगोपनाका लागि जलवायु प्रभाव न्युनिकरण तथा अनुकुल परियोजना अन्र्तगत दलित सहयोग समाज बझाङले बझाङको बुंगल नगरपालिका वडा नम्बर ४ को अराडी गाउका १ सय ७५ जना किसान घरपरिवारलाई मकै चुट्ने हाते मेसिन उपलब्ध गराएको हो ।
परियोजना लागू नहुनु पूर्व निकै कठिनाईका साथ बोरामा राखेर लठ्ठीले चुट्ने गरेका बेला परियोजनाले आरामदायी हाते मेसिनको प्रयोगवाट सहजै मकै छोडाउने हाते मेसिन दिएको हो । समुहकी अध्यक्ष नारु देवी काकीले मकैबाली भित्र्याएको ३ महिना पछि धेरै दुःख गरेर थोरै थोरै चुट्दै घट्ट पिसेर खाने गरेको बताउदै परियोजनाले डाडाँबाग कृषक महिला समुहलाई मेसिन दिए पछि सहज भएको बताईन ।
उनले महिला कृषक समुहले बिगत देखि धेरै दुख गरेर मकै खेती गर्दै आएको र अहिले मकै चुट्न झनै असहज भएको अबश्थामा परियोजनाले समुदायको सहजताका लागि मकै छोडाउने मेसिन उपलब्ध गराए पछि सहज भएको बताईन । कार्क्रमका संयोजक मीन बहादुर परियारले डिजल पेट्रोलवाट चल्ने मेसिन र उपकरणले वाताबरणमा प्रभाव पार्ने र अर्गानिक बालीको नष्ट गर्ने भएकाले अब देखि मानिसले सहजरुपमा प्रयोग गर्ने उपकरण मार्फत बाली चुट्ने मेसिन पहिलो पटक डाडाँबाग कृषक महिला समुहलाई उपलब्ध गराएको जानकारी गराए ।
अर्गानिक मलको प्रयोग गर्दा खेत जोत्नु अधि नै प्रयोग गर्दा प्रयोग गरे अन्न बाली धेरै राम्रो पोषिलो र रोग मुक्त अन्न खान पाईने भएकाले परियोजनाको लक्ष्य उदेश्य अनुरुपै खेतीपाति गर्न परियोजनाका फिल्ड कर्मचारी तथा कृषि जेटिए लोकेन्द्र बहादुर रोकायाले बताए । वातावरणिय प्रभाव न्युनिकरण जलवायु परिवर्तन अनुकुलन परियोजनाले बिगत १ वर्ष देखि बुंगल नगरपालिकाको वडा नम्बर ४, ५ र छ मा निरन्तरुपमा काम गर्दै आएको छ ।
त्यस्तै परियोजनाले वडा नम्बर ५ को हाट पाउमा सिंचाई पोखरीको निर्माण गरि करिब २० घर परिवारलाई विभिन्न तरकारी बालीको बिउबिजन बितरण गरि तरकारी खेती गराउदै आएको छ भने वडा नम्बर ५ को बोगटी गाउका किसानलाई सयपत्री फुल खेती र मिडी गाउका १ सय ८९ घरधुरीलाई शुद्व खानेपानीको धारा निर्माण वडा नम्बर ४ को पत्थरकोट कृषक महिला समुहलाई सुक्खा तीन धानको बिउ बितरण गरि धान खेतीको बृद्वी बिकास र अर्गानिक खेती गर्ने लगाएतका बिबिध कार्य गर्दै आएको छ ।
