वैशाख ०२ बैतडी । बैतडीको सदरमुकाममा दुई हप्ता यता धारामा पानी आउन छाडेपछि खानेपानीको हाहाकार भएको छ ।
सदरमुकामस्थित बृहत खानेपानी आयोजनामा समस्या आएपछि धारामा पानी नबग्दा खानेपानीको हाहाकार भएको हो । मासिक तीन सय रुपैयाँ तिरेर पीउने पानी खान पाईएको भए पनि अहिले ट्यांकरमा पानी ल्याउनुपर्दा मासिक चार हजार खर्च हुँदै आएको गोठलापानीका स्थानीय व्यापारी खिमानन्द भट्टले बताए ।
१८ करोड रकम खर्च गरेर बृहत खानेपानी आयोजना सञ्चालनमा ल्याइएको भए पनि पानी खान नपाए पनि शुल्क भने हरेक महिना तिर्नु परेको उनले बताए । सदरमुकाममा पानीको समस्या हुँदा सार्वजनिक शौचालय समेत बन्द रहेकाले बजारमै खुला दिसा पिसाव गर्ने गरेको स्थानीय सुरेश बहादुर चन्दले बताए ।
नगर खानेपानी उपभोक्ता समितिका अध्यक्ष धर्मानन्द भट्टले खानेपानीको काम भईरहेको बताउदै खानेपानीको मुहानमै पानीको मात्रा घटेका कारण समस्या भएको हुन सक्ने बताए । उनले आफु अध्यक्ष बनेको एक महिना पनि नपुगेको बताउदै सबै उपभोक्तालाई कसरी पर्याप्त खानेपानी पु¥याउन सकिन्छ, त्यसको पहलमा लागी रहेको बताउनु भयो ।,
