बैशाख ०१ धनगढी । यातायात ब्याबसायीहरुले यात्रुहरुबाट मनपरी भाडा असुल्दै आएका छन । पेट्रोलियम पदार्थको मूल्य वृद्धि भएर आकास छोए पछि बस व्यवसायीले आफूखुशी मनपरी भाडा असुल्ने गरेका कारण यात्रुलाई मर्का पर्ने गरेको छ ।
मंगलबार कञ्चनपुरको गुलरिया देखि अत्तरिया चोकसम्म आउन ना ४ ख ६१७५ नम्बरको बसमा चढेका यात्रु महेश खत्रीलाई चालीस रुपैया भाडा मागे पछि गुलरिया चोकदेखि दुई किलोमिटर गज्रौला चोकमा ओर्लीनु परेको उनले बताए ।
महेन्द्रनगर देखि अत्तरिया सडक खण्डमा चलेको उक्त बसका सहचालकले गुलरिया वजारबाट झण्डै पाँच किलोमिटरको दूरीमा रहेको अत्तरिया चोकसम्म तोकिएको भन्दा बढी चालीस रुपैया भाडा मागेपछि आफू बीच बाटेमै झर्न वाध्य भएको उनले बताए ।
२० रुपैया भाडा लाग्ने गरेकोमो आफूसँग डबल भाडा मागे पछि भाडा दिन नसकेर विचमै झर्न वाध्य भएको उनले बताए । गुलरिया चोकमा रोकिएको उक्त बसका चालक र सहजकर्ताले धनगढी जाने भन्दै आफूलाई बसमा चढाएको बताउदै उनले यात्राका क्रममा बस अत्तरियासम्म मात्र जाने भनेर ठगिरहेको र भाडा पनि तोकिए भन्दा बढी मागिएको उनले बताए ।
पेट्रोलियम पदार्थको मूल्य वृद्धि भएको बहानामा खास गरी छोटो दूरीमा चल्ने बस लगाएतका सवारी साधनले पछिल्ला दिनमा मनोमानी ढङ्गले भाडा असुल्न थालेपछि समस्या झेल्नुपरेको यात्रुहरुले गुनासो गर्दै आएका छन । छोटो दूरीमा चल्ने कतिपय सवारी साधनले भाडा लिइसके पछि यात्रुलाई टिकट समेत उपलब्ध नगराउँदा सम्बन्धित निकायमा उजुरी समेत गर्न कठिनाई भइरहेको पीडित यात्रुहरुले बताएका छन ।
महाकाली यातायात व्यावसायी समितिका अध्यक्ष डम्मर पन्तले आफूखुशी भाडा लिएको बारे आफूलाई जानकारी नभएको दावी गर्दै सरकारले तोकेको भाडादर भन्दा बढी भाडा यात्रुबाट लिन नपाइने बताए ।
तोकिए भन्दा बढी भाडा माग्नेलाई कारवाही गर्न नजिकको प्रहरी कार्यालय र यातायात कार्यालयमा उजुरी गर्न सकिने उनले बताए पेट्रोलियम पदार्थको मूल्य वृद्धिसँगै सरकारले हालै सार्बजनिक सवारीका साधनको साविकको भाडा दरमा ११ प्रतिशतले वृद्धि गरेको उनले जानकारी गराए ।
