चैत्र २५ बैतडी । बैतडीको शिवनाथ गाउँपालिकाका कर्मचारी टंक पन्तले चलाएको जीप दुर्घटना भएको छ । जीप चालक वीरेन्द्र महताले मापसे गरेका पन्तले जबरजस्ती जीप चलाउँदा दुर्घटना भएको बयान दिएको प्रहरीले जानकारी गराएको हो ।
जिल्ला प्रहरी कार्यालय बैतडीका प्रवक्ता प्रहरी निरीक्षक वोधराज ओझाले चालक महताले सुल्लेखाल प्रहरी चौकीमा गाउँपालिकाका कर्मचारी पन्तले मापसे गरी जबरजस्ती जीप चलाएको भन्दै बिहीबार राति निवेदन दिएको जानकारी गराउनु भयो । बिहीबार दुर्घटनापश्चात सोधपुछ गर्दा आफूले नै जीप चलाएको बताएका उनले पछि पन्तले चलाएको भन्दै निवेदन दिएको प्रवक्ता ओझाले बताए।
प्रवक्ता ओझाले पन्त अहिले नियन्त्रणमा रहेको र उनले मापसे गरेको मेडिकल रिपोट बनेको बताउदै घटनाबारे अनुसन्धान भइरहेको जानकारी गराएका छन्। विहिबार बैतडीको शिवनाथ गाउँपालिका(वडा नमबर ६ छेलामा म १ ज २७२ नम्बरको जीप दुर्घटना हुँदा शिवनाथ(गाउँपालीका वडा नम्बर १ की ६५ वर्षीया गोबडीदेवी साउँद घाइते भएकी छिन्। उनको डडेल्धुरा अस्पतालमा उपचार भइरहेको प्रहरीले बताएको छ।
