चैत्र २५ डोटी । डोटीमा १६ वटा मतदान केन्द्र थपीएका छन । वैशाख ३० गते हुने स्थानीय तह निर्वाचनका लागि जिल्ला निर्वाचन कार्यालय डोटीले १६ वटा मतदान केन्द्र थपीएको जानकारी गराएको हो । थपीएकासंगै डोटी जिल्लामा अब १ सय ७१ वटा मतदान केन्द्र कायम भएका छन् ।
गत निर्वाचनमा १ सय ५५ वटा मतदान केन्द्र रहेकोमा १६ वटा मतदान केन्द्र थपीए पछि १ सय ७१ वटा मतदान केन्द्र कायम भएका हुन । आयोगले मतदान स्थलको संख्या भने १ सय १५ नै रहने जनाएको छ । गत निर्वाचनमा दिपायल सिलगढी नगरपालिका भित्र २२ वटा मतदान स्थलमा २६ मतदान केन्द्र रहेका थिए भने हाल तीन वटा केन्द्र थप गरि २९ वटा पु¥याइएको छ । त्यसैगरी शिखर नगरपालिकामा १६ वटा मतदान स्थलमा २७ वटा मतदान केन्द्र कायम गरिएको छ ।
यस अघि शिखरमा २५ वटा मतदान केन्द्र रहेका थिए । यस अघि पूर्वीचौकी गाउँपालिकामा मतदान स्थल १४ वटा , मतदान केन्द्र १९ वटा, आदर्शमा मतदान स्थल १४ वटा, मतदान केन्द्र १७ वटा र सायल गाउँपालिकामा मतदान स्थल १० वटा र मतदान केन्द्र १४ वटा रहेका थिए । हाल पूर्वीचौकीमा २० वटा, आदर्शमा १९ वटा र सायलमा १५ वटा मतदान केन्द्र कायम गरिएको छ ।
गएको निर्वाचनमा के आई सिंह गाउँपालिकामा १० वटा मतदान स्थलमा १४ वटा मतदान केन्द्र, बोगटान फुड्सिल गाउँपालिकामा ११ वटा मतदान स्थलमा १३ वटा मतदान केन्द्र, जोरायल गाउँपालिकामा १० वटा मतदान स्थलमा १७ वटा मतदान केन्द्र र बडीकेदार गाउँपालिकामा ८ वटा मतदान स्थल र १० वटा मतदान केन्द्र रहेका थिए ।
हाल के आई सिंहमा १६ वटा, बोगटान फुड्सिलमा १४ वटा, जोरायलमा १९ वटा र बडीकेदारमा १२ वटा मतदान केन्द्र कामय भएको जिल्ला निर्वाचन कार्यालय, डोटीका सूचना अधिकारी दलवहादुर मलासीले जानकारी गराए । बडीकेदार गाउँपालिका वडा नम्बर–४ डिकेवनको वडा कार्यालयमा रहेको मतदान केन्द्रलाई स्थानीय स्वास्थ्य चौकीको भवनमा सारिएको सूचना अधिकारी मलासीले बताए । वडा कार्यालयमा केही समय पहिले अज्ञात समूहले आगजनी गरी भौतिक संरचना ध्वस्त भएका कारण स्वास्थ्य चौकी भवनमा सारिएको बताउदै उनले जिल्लाका अन्य मतदान स्थल भने यथावत् रहेका जानाकरी गराए ।
