२१ चैत , धनगढी । धनगढीको होटेल डिभोटी–पिपल चौतारा सडक कालोपत्रे सुरु भएको छ । ८७० मिटर सो सडक कालोपत्रेको काम सुरु भएको हो ।
धनगढी उपमहानगरपालिकाका नगर प्रमुख नृपबहादुर वडले सडक कालोपत्रेको काम सुरु भएको बताए ।एशियाली विकास बैङ्कको ऋण सहयोगमा सञ्चालित क्षेत्रीय सहरी विकास आयोजना अन्तर्गत धनगढीमा १०.७० किलोमिटर सडक कालोपत्रे हुने चरणमा रहेको नगर प्रमुख नृपबहादुर वडले बताए ।
यसपछि सहिद गेटदेखि क्याम्पस चोकसम्मको सडक कालोपत्रे हुने नगर प्रमुख वडले बताए । वडा नम्बर २ को चर्चसम्मको २.७ किलोमिटर सडक, ७ सय मिटरको क्याम्पस गेट–जाखोरताल सडक, ३.६५ किलोमिटरको क्याम्पस गेट–चटकपुर सडक, १.१५ किलोमिटरको हसनपुर सडक र ४३० मिटरको मालपोत सडकको काम भइरहेको छ ।
