चैत्र २० धनगढी । डोटीमा जिप दुर्घटना हुँदा २ जनाको मृत्यु भएको छ भने  ७ जना घाईते भएका छन् । प्रहरीका अनुसार से १ ज ८३९ नम्बरको जिप पूर्वी चौकी गाउँपालीका वडा नम्बर १ साझघाटबाट वडा नम्बर ३ गैरागाउँ गइरहेको अबश्थामा पूर्वी चौकी गाउँपालिका वडा नम्बर १ मा दुर्घटना भएको हो। दुर्घटनामा २ जनाको घटनास्थलमै मृत्यु भएको  जिल्ला प्रहरी कार्यालय डोटीले जानकारी दिएको छ। दुर्घटनामा परी पुर्बिचौकी गाउँपालिका वडा नम्बर –३ बस्ने बर्ष २८ का खेम बोहरा र, बर्ष ४५का पुरन बोहराको मृत्यु भएको     छ ।
त्यसैगरी पुर्बिचौकी गाउँपालिका वडा नम्बर –३ बस्ने बर्ष १४ की यसोदा बोहरा, बर्ष ७ का मोहन बोहरा, बर्ष ३५ का कम्मर सिं बोहरा, बर्ष २८ का टंकी बोहरा, बर्ष ३५ का कृष्ण बहादुर चयडा, बर्ष ३४ का जीत बोहरा र बर्ष ३३ का लोकराज जोशी घाईते भएको जिल्ला प्रहरी कार्यालय डोटीले जानकारी दिएको छ । घाईतेहरुलाई जिल्ला अस्पताल डोटी ल्याईदै गरिएको बताईएको छ । सडकबाट जीप ५ सय मिटर तल खोलामा खसेको प्रहरीले जनाएको छ । दुर्घटनाको कारण  नखुलेको प्रहरीले जनाएको छ।