चैत्र २० धनगढी । मोटरसाइकलको ठक्करबाट छुटाछुटै ठाउँमा दुई जना बालक घाइते भएका छन ।
कैलालीको जानकी गाउँपालिका वडा नम्बर ७ स्थित भित्रि सडक खण्डमा से २ प २१७५ नम्बरको मोटरसाइकलले ठक्कर दिँदा जानकी चौधरीका २ वर्षीय छोरा घाइते भएका हुन् भने गौरीगंगा नगरपालिका वडा नम्बर ४ राजीपुरमा सुपप्र ०१ ००९ प ७५२० नम्बरको मोटरसाइकलले सोही ठाउँका ३ वर्षीय विवेक सापकोटालाई ठक्कर दिएको हो ।
चौधरीका २ वर्षीय छोरा बाटोमा खेलिरहेको अबश्थामा मोटरसाइकलले ठक्कर दिएको प्रहरीले जानकारी गराएको छ । उनलाई उपचारका लागि कोहलपुर रिफर गरिएको प्रदेश ट्राफिक प्रहरी कार्यालय अत्तरियाले जनाएको छ ।
मोटरसाइकल चालक भने फरार रहेको र उनको खोजी कार्य भइरहेको प्रहरीलदे जनाएको छ । मोटरसाइकलको ठक्करबाट घाइते भएका सापकोटाको धनगढीस्थित माया मेट्रो अस्पतालमा उपचार भइरहेको प्रदेश ट्राफिक प्रहरी कार्यालय अत्तरियाले जनाएको छ ।
चालक गौरीगंगा नगरपालीका वडा नम्बर ५ का २४ वर्षीय सिदन रावललाई मोटरसाइकल सहित नियन्त्रणमा लिई अनुसन्धान भइरहेको प्रहरीले जानकारी गराएको छ ।
