जल सम्पदाको धनी देश हाम्रो देश नेपाल अहिले पनि विद्युतमा परनिर्भर रहदै आएको छ । विश्वकै जल सम्पदाको दोस्रो धनि देश भए पनि नेपालमा त्यसको सदुपयोग हुन सकेको छैन । विश्वका धनी राष्ट्रहरुले आँखा गाडेको भए पनि नेपालका शासकहरुले नेपालमा जल विद्युतको विकास गर्ने तर्फ योजना बनाएर अगाडी बढ्न नसकेको अबश्था हो । देशका भ्रष्ट नेताहरुका कारण भएको विद्युत पनि सञ्चय हुन सकेको छैन । बरु विद्युत चुहावट हुने गरेको छ । चुहावट रोकेर लोडसेडिङ सुन्य बनाउने कुशल राष्ट्रसेवकलाई बरु सरकारले
हटाउछ । सरकाले विद्युत उत्पादन बढाउने त कुरै छैन बरु भएको विद्युत पनि बेचेर लोडसेडिङको कृतिम अभाब सृजना गरेर कमाउ धन्दामा लागेका छन भन्न सकिन्छ । अहिले फेरी त्यस्तै अबश्था सृजना भएको छ । सरकारले ठ्याक्कै लोडसेडिङ हुन्छ भन्न सकेको त छैन तर अप्रत्यक्ष रुपमा विद्युत कटौती हुदै आएको छ । सरकारले विद्युत उत्पादन तीर लगानी बढाएर जल सम्पदाको सदुपयोग गर्न सके अरुलाई पनि बेच्न सकिन्छ । तर विडम्बना देशमै विद्युत आयात गरेर सरकारले काम चलाई रहेको छ । यो अत्यन्तै लाजमर्दो विषय हो । बरु अहिले स्थानिय सरकारले विद्युत उत्पादनमा लगानी गरेको देखिन्छ । साना साना लगानीमा साना साना मेगावाट विजुली निकाल्न भन्दा ठूलो लगानीमा ठूलो जलविद्युत निर्माण गरी देशलाई सम्बुद्ध बनाउन आवश्यक छ । विद्युतमा लगानी बढाएर खेर गईरहेको जल सम्पदाको उपयोग गर्न आवश्यक छ ।