शितल स्नेही, चैत्र १७ बझाङ । बझाङको जयपृथ्वी नगरपालिकाले माग गरेको नगर प्रहरी छनौटमा निष्पक्षता नभएको भन्दै परिक्षार्थीहरुले पुनः जाँच गराउन माग गरेका छन् । जयपृथ्वी नगरपालिकाले सोमबार सार्वजनिक गरेको नगर प्रहरीको नतिजा प्रकाशन गर्दा जनप्रतिनिधिहरुका आफन्त मात्रै परेको बताउदै परीक्षार्थहरुले पुनः जाँच गराउन माग गरेका हुन ।
मंगलबार दरखास्त पेस गरेका मध्ये १९ जनाले निष्पक्ष छनौट गरिनुपर्ने माग राख्दै जयपृथ्वी नगरपालिकामा हस्ताक्षर समेत बुझाएका छन् । नगर प्रहरीमा नाम निकालेका मध्ये एक जना नगरपालिकाका अधिकृतका आफन्त छन् । एकजना मेयरका छोरा र अर्का उपमेयरका आफन्त रहेको परीक्षार्थीहरुले बताएका छन । नगर प्रहरीमा १२ जनाको नाम छनौट भएको छ ।
जसमा नगर प्रमुख, उपप्रमुख तथा कर्मचारीहरुका आफन्तहरु मात्र परेको भन्दै सामाजिक सञ्जालमा पनि चर्को आलोचना भइरहेको छ । जनप्रतिनिधीहरुले आफ्नो कार्यकाल सकिन लाग्दा नगरपालिकामा आफन्तहरुलाई भर्ति गरेको स्थानीयको आरोप छ ।
निवेदनमा परीक्षाको नतिजा तथा नगर प्रहरीको छनौट प्रकृया पुनः गर्न माग गरिएको छ् । निवेदन माथि छलफल नगरी मनोमानी गरेमा कडा आन्दोलन गर्ने चेतावनी समेत उनीहरुले दिएका छन् ।
