प्रकाश बहादुर थापा,चैत्र १५ धनगढी । अखिल (क्रान्तिकारी) कैलालीको छात्रा विभागले जिल्ला प्रशासन कार्यालय कैलालीमा ज्ञापनपत्र बुझाएको छ ।
छात्राहरुमाथि हुने विभिन्न हिंसात्मक गतिविधिहरुको सुरक्षाको माग गर्दै विभागले केन्द्रीय कार्यक्रम अनुसार मंगलबार सहायक प्रमुख जिल्ला अधिकारी सिद्धराज जोशीलाई ज्ञापनपत्र बुझाएको हो ।
संगठनका छात्रा विभाग प्रमुख कल्पना सार्कीद्वारा हस्ताक्षरित ज्ञापन पत्रमा ‘पछिल्लो समय देशभर शिक्षालयहरूमा छात्राहरू विभिन्न खाले हिंसाका शिकार भइरहेको उल्लेख गरिएको छ । त्यस मध्ये यौनहिंसा प्रमूख रहेको उल्लेख गर्दै छात्राहरू शिक्षालयमा नै असुरक्षित भइरहेकाले विभिन्न हिंसात्मक गतिविधिहरुको सुरक्षाको माग गरिएको उल्लेख गरिएको छ ।
मोरङको लेटाङ नगरपालिका, चितवनको माडी नगरपालिका लगायत देशभर छात्राहरूमाथि भइरहेको यौनहिंसा विरुद्धमा सरकारले चालेको अपर्याप्त र सुस्त कदम प्रति हाम्रो सङ्गठनको गम्भीर ध्यानाकर्षण भएको छ ज्ञापन पत्रमा उल्लेख गरिएको छ ।
नेपालमा यस सम्बन्धी कडा कानुन नहुनु र भएको कानुन पनि सहि तरिकाले कार्यान्वयन नहुनु प्रमूख समस्या रहेको ज्ञापन पत्रमा भनिएको छ । एमसिसि जस्तो राष्ट्रघाती सम्झौता सजिलै सदनबाट पास गर्ने फौजदारी कसुर तथा फौजदारी कार्यविधि सम्बन्धी केही ऐन संशोधन गर्ने अध्यादेश –२०७७ पास नगरि दोषीलाई सजायबाट उम्काउन लागेको समेत ज्ञापन पत्रमा उल्लेख गरिएको छ ।
ज्ञावपन पत्रमा अध्यादेश तत्काल पास गरि कार्यान्वयनमा ल्याउन र आगामी दिनमा अपराधिक क्रियाकलाप हुन नदिनका लागि ठोस योजना बनाइ अपराधीहरूमाथि कडा भन्दा कडा कार्वाहीको माग समेत गरिएको छ ।
देभरभर भइरहेका छात्रामाथि यौनहिंसाको घटनाहरूको सत्यतथ्य पत्ता लगाइ दोषीलाई कारवाही गर्न र छात्राहरूलाई शिक्षालयहरूमा सुरक्षित र हिंसारहित वातावरणमा अध्ययन गर्न पाउने अधिकारको सुनिश्चितता गर्न ज्ञापन पत्रमा जोडदार माग गरिएको छ ।
