चैत्र १५ धनगढी । नेपाली काङ्ग्रेस क्षेत्र नम्बर ४ (क )को पार्टी कार्यालयको उद्घाटन गरिएको छ । आज गौरीगंगा नगरपालिकाको वडा नम्बर.१ चौमालामा नेपाली काङ्ग्रेस सुदूरपश्चिम प्रदेश सदस्य सुरत रावत(डोटेली कान्छा)ले एक समारोहका बिच कार्यालयको उदघाटन गर्नु भएको हो ।
नेपाली काङ्ग्रेस क्षेत्र नम्बर ४ क का सभापति दलबहादुर साउँदको सभापतित्वमा भएको नेपाली काङ्ग्रेस क्षेत्र नम्बर ४ क को प्रदेश कार्यालय उदघाटन एवं पदाधिकारी सदस्यहरुको पदस्थापन कार्यक्रममा नेपाली काङ्ग्रेस सुदूरपश्चिम प्रदेश सदस्य सुरत रावत ( डोटेली कान्छा ) प्रमुख अतिथि रहनु भएको थियो भने नेपाली काङ्ग्रेस क्षेत्र नम्बर.४ का निबर्तमान क्षेत्रीय सभापति दिनेशराज जोशी विशिष्ट अतिथि रहनु भएको थियो ।
कार्यालय उदघाटन गर्दै कार्यक्रमका प्रमुख अतिथि नेपाली काङ्ग्रेस सुदूरपश्चिम प्रदेश सदस्य सुरत रावत( डोटेली कान्छा ले पार्टीको आन्तरिक निर्वाचनको तिक्तता अन्त्य गर्दै सबैजना एक ढिक्का भएर लाग्नु पर्ने बताउनु भयो ।
नजिकै आईरहेको स्थानीय तहको निर्बाचनमा पार्टीबाट जो जसले पनि टीकट पाउँदा निर्वाचनम जित्नु पर्छ जिताउनु पर्छ त्यस्का लागि सवै वडाहरुबाट सहमति जुटाएर अघि बढ्नु पर्ने बताउनु भयो ।
कार्यक्रममा नेपाली काङ्ग्रेस क्षेत्र नम्बर.४ का निबर्तमान सभापति दिनेशराज जोशी , नेपाली काङ्ग्रेस कैलालीका पूर्ब जिल्ला सल्लाहकार यज्ञनिधि कोइराला , नेपाली काङ्ग्रेस क्षेत्र नम्बर ४ क का सभापति काशीराम शर्मा, उपसभापति ज्ञानबहादुर सिंह , नेपाली काङ्ग्रेस गौरीगंगा नगर सभापति पहल बिक्रम चन्द,नेपाल महिला संघ क्षेत्र नम्बर.४ का अध्यक्ष मेनुका जोशी लगायतले मन्तव्य ब्यक्त गर्नु भएको थियोे भने कार्यक्रमको सञ्चालन नेपाली काङ्ग्रेस क्षेत्र नम्बर.४ क का सचिव राकेश चन्द ले गर्नु भएको थियो ।
