सुदिप नेपाल, चैत्र १४ टीकापुर । नोबेल बचत तथा ऋण सहकारी संस्था लि को आयोजना तथा नेपाल बचत तथा ऋण केन्द्रिय सहकारी संघ नेफस्कुनको प्राविधिक सहयोगमा १ दिने सातौ कार्यशाला तथा सिकाई व्यवस्थापन गोष्ठि सम्मपन्न गरिएको छ ।
आज संस्थाका अध्यक्ष डा ः लाल सिंह टमट्टाको सभापतित्वमा बसेको उक्त कार्यशाला गोष्ठिमा अध्यक्षले हाल विद्यमान सहकारी प्रति सामाजिक धारणालाई सदस्य शिक्षाबाट मात्र हल गर्न सकिने र यस्ता कार्यक्रमले एक आपसमा भएका ज्ञान आदान प्रदानले सहकारीलाई अझै उचाईमा लैजाने धारणा व्यक्त गर्नु भएको थियो ।
कैलाली कञ्चनपुरमा कब्र्स कार्यक्रममा आवद्ध रहेका ८ वटा सहकारीका व्यवस्थापक र संचालक समितिलाई सहकारीको विद्यमान जोखिम न्युनिकरण बारे छलफल गरिएको थियो । अतिथि नेफस्कुन फिल्ड कार्यालय ईन्चार्ज योगेश बोहरा, सिएमसि कैलालीका अध्यक्ष छविलाल जैशि रहेको र कार्यक्रम संचालन नरेन्द्र टमट्टाले गर्नुभएको थियो ।
