चैत्र १३ दमर्चुला । विना अनुमती नेपाल प्रबेश गर्न लागेको भारतीय स्काईभेटरको सशस्त्र प्रहरीले चाबी खोसेको छ । दार्चुला जिल्लाको महाकाली नदीमा तटबन्ध निर्माणमा प्रयोग गरिएको भारतीय स्काभेटर नेपालतर्फ आए पछि प्रहरीले चाबी खोसेको हो ।
नेपालसँग समन्वय नै नगरी नेपाली भूमि दार्चुलातर्फ भारतीय स्काईभेटर आए पछि सशस्त्र प्रहरीले चाबी खोसेको प्रमुख जिल्ला अधिकारी दीर्घराज उपाध्यायले जानकारी दिए ।
‘नेपालको प्रशासनसँग समन्वय नगरेर दार्चुलातर्फ भारतीय स्काईभेटर आएको बताउदै उनले बिना समन्वय नेपालतर्फ स्काईभेटर ल्याउन नपाईने भए पनि लिखित रुपमा जानकारी नगराएर नेपालतर्फको बाटो प्रयोगमा ल्याइएको पाईए पछि त्यसैले चाबी खोसिएको प्रमुख जिल्ला अधिकारी उपाध्यायले जानकारी गराउनु भयो ।
भारतले महाकाली नदीको बहाव नेपालतर्फ फर्काउने गरी तटबन्ध निर्माण गरे पछि लामो समय देखि विवाद हुँदै आएको अबश्थामा भारतीय पक्षले समन्वय नगरेरै महाकालीमा तटबन्ध निर्माण गरिरहेको स्थानीयले बताएका छन्। उक्त तटबन्धको उनीहरुले विरोध गर्दै आइरहेका छन् । तर, सरकारले भने यस विषयमा अहिले सम्म कुनै धारणा सार्वजनिक गरेको छैन । सरकारको यस्तो रबैयाले सिमा क्षेत्रका बासिन्दाले दुख झेल्दै आएका छन ।