चैत ११,धनगढी । म्याद गुज्रिएको औषधि बेचेको पाइए पछि धनगढी उप महानगरपालिका वडा नम्बर ४ रातोपुलमा रहेको नवजीवन अस्पताललाई जरीवाना गरिएको छ ।
अस्पतालमा उपचाररत एक जना बालकलाई म्याद गुज्रिएको औषधि बेचेको उजुरी लिएर आफन्तहरु वाणिज्य आपूर्ति तथा उपभोक्ता संरक्षण कार्यालय कैलाली पुगे पछि अस्पतालको अनुगमन गरेर बिहीबार २ लाख रुपैयाँ जरिवाना गरीएको हो । वाणिज्य आपूर्ति तथा उपभोक्ता संरक्षण कार्यालय कैलालीका निमित्त प्रमुख ललित प्रसाद पन्तले अस्पताललाई सचेत गराउँदै २ लाख रुपैयाँ जरिवाना गरिएको जानकारी गराए ।
उनले उद्योग वाणिज्य तथा उपभोक्ता हित संरक्षण निर्देशनालय सुदूरपश्चिम प्रदेशले जरिवाना गरेको जानकारी गराए । नवजीवन अस्पतालका डाक्टर निरज अर्यालले बिरामीका आफन्तले जबरजस्ती औषधि लिएर गएको जिकिर गरेर घटनाबाट उम्किने प्रयास गरेका छन । उनले अस्पतालमा कार्यरत १ सय ४ जना कर्मचारीको आफूले जिम्मेवारी लिन नसक्ने बताउँदै औषधि बेच्ने कर्मचारीलाई भने सचेत गराएको बताए ।
डाक्टर अर्यालले म्याद गुज्रिएको औषधि बेचेको पाइए पछि वाणिज्य आपूर्ति तथा उपभोक्ता संरक्षण कार्यालय कैलालीले जरिवाना गरेको स्वीकार गरेका छन ।
नवजीवन अस्पतालले पटक पटक म्याद गजरेका औषधीहरु बेच्ने गरेको पाईएको छ ।
यस भन्दा अघी पनि अस्पतालले यस्तै म्याद गुज्रेका औषधी बेचेको समाचार खबर रफ्तारदैनिकले प्रकाशित गरेको थियो । त्यतीबेलै कारबाही गरेको भए यतीलमो समय सम्म नागरिकको स्वाश्थ्यमाथि खेल्बाड हुदैन थियो की भन्ने प्रश्न चिन्ह खडा भएको छ ।
