चैत्र १० बझाङ । बझाङमा एक जना महिलालाई बलात्कार गरेको आरोपमा २ जना भारतीय नागरिकलाई प्रहरीले पक्राउ गरेको छ।
No data was found
बझाङको केदारस्युँ गाउँपालिकाकी महिलालाई बलात्कार गरी गरगहना समेत लुटपाट गरेको आरोपमा भारतको पश्चिम बंगाल प्रान्त माल्दा जिल्लाका २९ वर्षीय बिजय राजवंशी र २२ वर्षीय सनातन मुर्मुलाई प्रहरीले पक्राउ गरेको हो ।
दुवैजनाले कालङ्गा हाइड्रोपावरमा काम गर्दै आएको प्रहरीले जानकारी गराएको छ । चैत ४ गतेका दिन महिलालाई जबरजस्ती करणी गरेर ३ तोला ४ आना बराबरको गरगहना लुटेको पीडित पक्षको जाहेरीका आधारमा दुवैजनालाई पक्राउ गरिएको जिल्ला प्रहरी कार्यालय बझाङका प्रमुख प्रहरी नायब उपरीक्षक ज्ञानबहादुर विष्टले जानकारी गराउनु भयो । पक्राउ गरिएका दुवै जनामाथि अनुसन्धान भइरहेको उनले जानकारी गराउनु भयो ।
