चैत्र ०९ बझाङ । आफ्नै बहिनीलाई बलात्कार गरेको आरोपमा प्रहरीले दाजुलाई पक्राउ गरेको छ । आफ्नै १२ वर्षकी बहिनीलाई गाई गोठमा लगेर बलात्कार गरेको आरोपमा प्रहरीले दाजुलाई पक्राउ गरेको हो ।
चैत ६ गते बेलुका ५ सय रूपैयाँ दिने लोभ देखाएर आमा नभएको बेला गोठमा लगेर मोवाइलमा भिडियो देखाई बलात्कार गरेको खुल्न आएकोे जिल्ला प्रहरी कार्यालय बझाङले जनाएको छ ।
आमा खेतमा मल लगाउन गएको मौका छोपी दाजुले बलात्कार गरेर भागेको जिल्ला प्रहरी कार्यालय बझाङले जनाएको छ । त्यस पछि आमा खेतबाट आएपछि छोरीले घटनाबारे सुनाए पछि घटना बाहिरिएको प्रहरीले जनाएको छ । घटनाबारे थापा पाए पछि पीडितकी आमाले प्रहरीमा भोलिपल्ट चैत ७ गते उजुरी दिएको प्रहरीले जनाएको छ ।
उनको उजुरीका आधारमा दाजुलाई नियन्त्रणमा लिएको प्रहरीले जानकारी दिएको छ । बलात्कारको आरोप लागेका दाजु र पडित बालिकाको ठेगाना भने खुलाईएको छैन । जबरजस्ती करणी अन्तर्गत चलाइएको मुद्धामा थप अनुसन्धान भइरहेको र बालिकाको स्वास्थ परीक्षण गरी महिला सुरक्षित आवास गृह (सेभ हाउस)मा जिम्मा लगाइएको जिल्ला प्रहरी कार्यालय बझाङले जानकारी गराएको छ ।
