चैत्र ०९ सरोज विक । महिला विकास समाज अन्र्तगत मानव बेचबिखन बिरुद्धको पैरवी समुहको आयोजनामा महिनावारी सम्वन्धी अन्र्तरक्रया कार्यक्रम सम्पन्न भएको छ । कैलालीको गोदावरी नगरपालीका वडा नम्बर ११ स्थित सरस्वती माध्यामीक विधालयमा महिनावारीको समयमा छात्राहरुले भोग्नु पर्ने समस्या लाई मध्यनजर गर्दै आयोजना गरिएको अन्र्तक्रिया कार्यक्रम सम्पन्न भएको हो ।
कार्यक्रममा समाजमा ठुलो समस्याको रुपमा रहेको छाउपडी कुप्रथाका बिषयमा छलफल गरिएको हो ।
आफ्ना समस्या राख्दै छात्राहरुले समाजमा महिनावारीको समयमा ,छाउपडी गोठमा बस्नु पर्ने , दुध जन्य खानेकुरा खान नपाईने ,शौचालय प्रयोग गर्न नपाईने,पानीको मुहान छुन नपाईने,शौचालय जान खोला प्रयोग गर्नु पर्ने बाध्यता कायमै रहेको बताए ।
साथै कार्यक्रमलाई सम्बोधन गर्दै गोदावरी नगरपालीका महिला तथा बालबालीका साखा प्रमुख गोदावरी खत्रीले सरकारले छाउपडी कुप्रथा सम्बन्धी धेरै कार्यक्रमहरु ल्याए पनि पटक पटक छाउ गोठ भत्काउदा पनि समाजमा चेतनाको स्तर बुद्धी गर्न नस्कदा मनको गोठ भत्काउन नसकिएको बताईन ।
यस्तै महिला बिकास समाजकी अध्यक्ष बिमला पन्त ओझाले रेष्टको सहकार्यमा महिला बिकास समाज बिगत २८ बर्ष देखि बिपन्न बर्गको छात्राहरु लाई छात्र बृती प्रदान गर्दै उनीहरुलाई सक्षम बनाउन आफुहरु लागि परेको बताईन् । उनले कलीला छात्राहरु देशका भवीष्य भएको बताउदै प्रबिधी अनुसार प्रतिसपर्धी बनाउन निरन्तर लागि रहेको बताईन ।
उनले समाजमा चेतनाको स्तर बृद्धी गर्न छात्राहरुले जनचेतनामूलक कार्यक्रम आयोजना गरे आफुहरुले सहयोग गर्ने बताईन् । कार्यक्रममा महिला बिकास समाजकी अध्यक्ष , नगरपालीका महिला बालबालीका शाखा प्रमुख ,बिधालयका प्रधानाध्यापक ,बिधालय अभिभावक सघ का अध्यक्ष तथा पैरवी समुहका प्रतिनीधी को उपस्थीती रहेको थियो ।
