छोरी आमाको गर्भमै सुरक्षित छैनन भने जन्मी सके पटि पनि सुरक्षित हुन्छन भन्ने ग्यारेन्टी छैन । पुरुष प्रधान हाम्रो समाजमा छोरी जन्मे गर्भमै भ्रुण हत्या गर्ने र छोरा भए हर्क बढाई गर्ने परम्पराकै कारण आज महिलाहरुको अर्थात छोरीहरुको जन्मदरमा गिरावट आउन थालेको छ । जो भविष्यको खतराको घण्टी हो । जसले गर्दा पुरुषको संख्या बढी र महिलाको संख्यामा कमी आएर बैबाहिक रुपमा महिला नपाएर कयौ पुरुष विबाहबाट बञ्चीत हुनु पर्ने अबश्था आउन सकने देखिएको छ । पृतीसतात्मक सोचका कारण गर्भमै छोरीको हत्या गर्ने प्रचलन बढ्दै जाँदा छोरीको जन्मदर घट्दै गएर यस्तो समस्या आउने खतरा बढ्दै गएको हो ।
भ्रुण जाँचलाई कानूनले मान्यता नदिएको भए पनि अझै लुकी चोरी भ्रुण चेक गराएर छोरी भए गर्भमै हत्या गर्ने र छोरा भए जन्म दिने गलत कार्य समाजमा बढ्दै गएको छ । भ्रुण हत्याले आमाको श्वाश्थ्यमा जोखिम त हुन्छ नै छोरीको संख्या पनि घट्दै जाने भएकाले यस्तो समस्या निम्तन सक्ने खतरा बढ्दै गएको हो ।
यस्तो कार्य गर्ने जो कोही भए पनि कानूनी कारबाही गरी भ्रुण हत्यालाई रोक्न आवश्यक छ । सुदूरपश्मि प्रदेश स्वास्थ्य निर्देशनालयको तथ्याङकले छोरीको जन्मदर घट्दै गएको देखाएको छ । यस्तो गैरकानूनी कार्यलाई रोक्दै सम्बन्धीत निकायले छोरीको जन्मन पाउने अधिकार र जन्मे पछि बाँच्न पाउने अधिकारको ग्यारेन्टी गर्न आवश्यक छ । छोरी जन्मे पछि पनि बलात्कृत हुने र हत्या गरिने जस्ता अपराधहरुको पनि अन्त्य हुन जरुरी छ ।
छोरी सृष्टीकर्ता हुन जननी हुन शान्तिहुन लक्षमी हुन भन्ने कुरा बुझेर छोरी माथि हुने गर्भ देखिकै अपराधको अन्त्य गर्न जरुरी छ । बालीकाको जन्मदरमा आएको गिरावट रोकेर छोरीको जन्मन पाउने अधिकारको रक्षा गर्न आवश्यक छ । घट्दै गएको छोरीको जन्मदरलाई बढाउदै भविष्यमा आउन सक्ने वैवाहिक समस्याको समाधान आजै गर्न आवश्यक छ ।
