चैत्र ०५ धनगढी । जिल्ला प्रहरी कार्यालय कैलालीले होटलमा यौन धन्दा चलाई रहेका दुई जवना होटल ब्याबसायी सहित यौनधन्दामा सम्लग्न ५ जना युवतीहरुलाई पक्राउ गरेको छ ।
शनिबार यौन धन्दा भईरहेको छ भन्ने विशेष सूचनाका आधारमा जिल्ला प्रहरी कार्यालय कैलालीबाट खटि गएको प्रहरी टोलीले कैलालीको धनगढी उपमहानगरपालीका वडा नम्बर ०७मा रहेको फुडल्याण्ड होटल र सोही ठाउँमा रहेको लक्ष्मी होटल होटलमा छापा मार्दा यौन धन्दामा संलग्न पाँच जना युवतीहरु र उक्त धन्दा संचालन गराउने २ जना होटल व्यवसायीहरुलाई पक्राउ गरेको हो । जिल्ला प्रहरी कार्यालय कैलालीले पक्राउ परेका उनिहरु माथि आवश्यक अनुसन्धान भईरहेको जानकारी गराएको छ ।
त्यसैगरी यस अघि विहिबार यौन धन्दा संचालन गराउने चार जना होटल व्यवसायी सहित उक्त कार्यमा संलग्न नौ जना युवती हरुलाई पक्राउ गरेको थियो । विशेष सूचनाका आधारमा खटि गएको प्रहरी टोलीले कैलालीको धनगढी उप महानगरपालीका वडा खनम्बर ०१ एल एन चोकमा रहेको शाही होटल प्यालेश, वडा नंम्बर ३ ट्राफिक चोक चौराहामा रहेको सनराईज होटल,वडा नंम्बर ३ ट्राफिक चोक चौराहामा रहेको बुढिनन्दा बाजुरा होटल , क्याम्पसचोकमा रहेको प्रिन्स होटलमा छापा मार्दा यौन धन्दामा संलग्न नौ जना युवतिहरु र उक्त धन्दा संचालन गराउने ४ जना होटल व्यवसायीहरुलाई पक्राउ गरि आवश्यक अनुसन्धान गरी रहेको जानकारी गराएको छ ।
