शितल स्नेही, चैत्र ०२ बझाङ । राष्ट्रिय जलस्रोत नितिको बिषयमा १ दिने कार्यशाला गोष्ठि सम्पन्न भएको छ । जल तथा ऊर्जा आयोग मन्त्रालय सिहँदरबार काठमाडौको आयोजनामा जिल्ला प्रशासन कार्यलय बझाङको सभाहलमा जलस्रोत व्यवस्थापन,नदि बेसीन एवम् राष्ट्रिय जलस्रोत निति विषयक कार्यशाला गोष्ठि सम्पन्न भएको हो ।
जल तथा ऊर्जा आयोग मन्त्रालयका सचिव दिनेश कुमार घिमिरेको अध्यक्षतामा सञ्चालन भएको कार्यक्रमका प्रमुख अथिति जयपृथ्वि नगरपालिकाका मेयर बिरेन्द्र बहादुर खड्का रहनु भएको थियो भने विशिष्ठ अतिथिमा ऊर्जा,जलस्रोत तथा सिचाँइ मन्त्रालयका सचिव मधुसुधन अधिकारी रहनु भएको थियो ।
कार्यक्रममा प्रमुख जिल्ला अधिकारी रामराज गौतम,जिल्ला प्रहरि कार्यलयका प्रमुख डिएसपि ज्ञान बहादुर बिष्ट,पत्रकार महासंघ बझाङका अध्यक्ष शैलेन्द्र कुमार रोकाया,कृषिज्ञान केन्द्रका प्रमुख टेक बिष्ट लगायत विभिन्न स्थानियतहका जनप्रतिनिधिहरु एवम् सरोकारवालाहरुको उपस्थिति रहेको थियो ।
देशमा उपलब्ध जलस्रोतको संरक्षण,सम्र्वधन र बहुउपयोगि विकास एव दिगो रुपमा उपयोग गरि आर्थिक समृद्धि र सामाजिक रुपान्तरणका लागि योगदान पुयाउने उद्येश्यले देशका विभिन्न स्थानमा कार्यक्रम सञ्चालन र्गदै आएको जल तथा ऊर्जा आयोग मन्त्रालयका सचिव दिनेश कुमार घिमिरेले बताउनु भयो ।
