चैत्र ०२ धनगढी । विश्व उपभोक्ता अधिकार दिवसको अबसरमा धनगढीमा अन्र्तक्रिया कार्यक्र गरिएको छ । मंगलबार ‘सुरक्षित र समावेशी डिजिटल कारोबार, उपभोक्ताको अधिकार’ भन्ने नाराका साथ विश्व उपभोक्ता अधिकार दिवस मनाउनुका साथै अन्र्तक्रिया कार्यक्रम गरिएको हो ।
उद्योग वाणिज्य तथा उपभोक्ता हित संरक्षण निर्देशनालय सुदूरपश्चिम प्रदेश धनगढी तथा वाणिज्य आपूर्ति तथा उपभोक्ता हित संरक्षण कार्यालय धनगढीको आयोजनामा अन्तरक्रिया तथा सचेतना कार्यक्रम गरिएको हो।
कार्यक्रमका सहभागीहरूले उपभोग्य वस्तुमा हुने मिसावट र बजारमा हुने कालोबजारीले उपभोक्ता मारमा परेको बताउदै उपभोग्य वस्तुहरूमा हुने मिसावटका साथै मूल्य बृद्धी, कालोबजारी नियन्त्रणमा आउन नसकेका कारण उपभोक्ता सधैँ ठगीदै आएको बताएका छन् ।
सम्बन्धित निकायबाट बजार अनुगमन भए पनि गल्ती गर्ने, व्यापारी तथा उद्योगीहरुलाई कारबाहीको दायरामा ल्याउन नसकेको सहभागीहरूले बताएका
छन् । उपभोक्ता आफै सजग बन्नुपर्ने र म्याद गुज्रेका अखाद्यय वस्तु विक्री, वितरण गर्ने व्यवसायीमाथि कानुनी कारबाही हुनु पर्ने उनीहरूले माग गरेका छन ।
वाणिज्य आपूर्ति तथा उपभोक्ता संरक्षण कार्यालय धनगढीका प्रमुख कमलराज उपाध्यायले उपभोक्ताले खाद्यय कम्पनी तथा खाद्यय बस्तुको मूल्य सूचि हेर्ने, गुणस्तर तथा उपभोग्य मिति हेर्ने बानीको विकास गर्नु जरुरी रहेको बताउनु भयो ।
उनले आगामी दिनमा वाणिज्य आपूर्ति तथा उपभोक्ता संरक्षण कार्यालयले बजार अनुगमनलाई समेत तीव्रता दिने बताउनु भयो ।
त्यसै गरी, उप सचिव एवम् कैलाली जिल्लाका निमित्त प्रमुख जिल्ला अधिकारी शिवराज जोशीले बजार अनुगमन हुने गरेको भए पनि कारबाहीको दायरामा कोही नआएको गुनासो आउने गरेको बताउँदै अबका दिनमा गल्ती गर्ने अर्थात् अखाद्यय,बस्तु तथा म्याद नाघेका सामान बिक्री वितरण गर्ने हरेक व्याशायीहरुलाई कारबाहीको दायरमा ल्याईने बताउनु भयो ।
उपभोक्ताहरुले सामान किन्ने मात्रै नभई सामान बनेको मिति र प्रयोग गर्न पाइने मिति हेरेर मात्रै सामान खरिद गर्न आग्रह गर्दै उपभोक्ताहरूलाई संका लागेमा त्यस्तो संकास्पद वस्तु बेचेको पाइएमा सम्बन्धित निकायलाई जानकारी गराएर कानुन कार्यान्वयनमा समन्वयकारी भूमिका खेल्न सबैमा आग्रह समेत गर्नु भयो ।
