भरत दास फागुन २६ अत्तरीया । कैलालीको गोदावरी नगरपालिका वडा नम्बर ०३ महेन्द्र राज मार्ग चौकिडाडा छेउछाउमा बस्दै आएका बादी समुदायका झुपडीहरु अत्तरिया सव वन डिभिजन कार्यालय र वडि मालिका सामुदायिक वनले भत्कायर जलाइ दिएको छ ।
सुदूरपश्मि प्रदेश घुमेन्ती मगन्ते भुमिहिन बादी अधिकार सघर्ष समितिका अध्यक्ष मिठु बादीले घर सहित सम्पूर्ण सामान जलाइ दिएको बताउनु भयो । स्थानीय केसब दुलाल बादीले वन कार्यालय र सामुदायिक वनले विना जानकारी बादी समुदाएका झुपडी भत्काएर जलाउने कार्य निन्दनिय भएको बताउदै बादी समुदाय माथीको दादागिरी भएको बताए ।
यहि सामुदायिक बन भित्र ठूला ठूला घर तथा भवन बन्ने तयारी भईरहेको बताउदै उनले उनिहरुलाई बनकार्यालयले गर्ने कार्य के हुन्छ भनेर हेरी रहेको बताए । बादी समुदायले आफुले उपचारको लागि जम्मा गरेको पैसा समेत जलाइ दिएको र बादी बन्दै लात्ताले हानेको उनले बताए ।
असोज कार्तिक महिनामा परेको वर्षाले गर्दा पानी जमेर पुरै घर डुबान परेकाले माथी सरेको उनले बताए । स्थानीय कमला बादीले आफू घर नभएको बेला आफुनो घर जलाइ दिएको बताइन ।
गाई गोरुको लागि ४÷ ५ बिगाहा जमिन दिने सरकारले बादी समुदायलाई भने रोड किनारामा बस्दा पनि घर जलाइ दिएर आफ्नो औकात देखाएको बताउदै उनले के हामी नेपाली नागरिक होइन हामीले बाच्न पाउने अधिकार छैन भनेर सरकारलाई प्रश्न समेत गरिन । सब डिभिजन वन कार्यालय अत्तरिया प्रमुख निरजन कडालले पटक पटक सूचना दिएको र हटाउन नमाने पछि स्थानीयले टहरा जलाएको बताए ।
