फागुन २६ अछाम – अछामको साँफेबगर नगरपालिकाले १ हजार ३ सय ८६ परिवारलाई गरिब परिचयपत्र वितरण गरेको छ ।
साँफेबगर नगरपालिकाका नगर प्रमुख कुलबहादुर कुँवरले १४ वटै वडाका १ हजार ३ सय ८६ परिवारलाई गरिब परिचयपत्र वितरण गरेको जानकारी गराउनु भयो ।
अति गरिब (रातो कार्ड) ५ सय ८३ परिवार, गरिब (पहेँलो कार्ड) ४ सय ३८ परिवार र सामान्य गरिब (निलो कार्ड) २ सय ६२ परिवार रहेको उनले बताए । साँफेबगर नगरपालीका वडा नम्बर–१४ पातलकोटमा २ सय गरिब परिवार रहेका छन् भने सबैभन्दा कम वैजनाथ र भाग्यश्वरमा २५.२५ गरिब परिवार रहेका छन् ।
गरिबको सूचीमा रहेका परिवारलाई नगरपालिकाबाट प्रवाह गरिने सेवामा पहिलो प्राथमिकतामा राखिने मेयर कुँवरले बताउनु भयो । परिचयपत्र पाएका परिवार भित्रका जेहेन्दार विद्यार्थीलाई लक्षित गरी जेहेन्दार छात्रवृत्ति उपलब्ध गराइने पनि उनले जानकारी गराउनु भयो ।
